தமிழ் சினிமாவில் உச்ச நட்சத்திரமாகவும் நம்பிக்கை நட்சத்திரமாகவும் வலம் வருபவர் தளபதி விஜய் இவர் மாஸ்டர் திரைப்படத்தை தொடர்ந்து நெல்சன் திலீப்குமார் இயக்கத்தில் சன் பிக்சர்ஸ் தயாரிப்பில் பீஸ்ட் திரைப்படத்தில் நடித்து முடித்துள்ளார். இந்த திரைப்படத்திற்கு அனிருத் இசையமைத்துள்ளார் அதுமட்டுமில்லாமல் விஜய்க்கு ஜோடியாக பூஜா ஹெக்டே நடித்துள்ளார்.
இந்தநிலையில் விஜய்யின் பீஸ்ட் திரைப்படத்திலிருந்து பிப்ரவரி 14 தேதி காதலர் தினத்தில் அரபி குத்து என்ற பாடல் வெளியானது இந்தப் பாடலுக்கு அனிருத் தான் இசையமைத்து இருந்தார் இந்த பாடல் வெளியாகி ரசிகர்களின் நல்ல விமர்சனங்களைப் பெற்றது அது மட்டுமல்லாமல் பிரபலங்களையும் ரசிக்க வைத்தது.
இந்த பாடல் வெளியாகி பட்டி தொட்டி எங்கும் மிகவும் பிரபலமாகி விட்டது அதனால் இந்த பாடலுக்கு ரசிகர்கள் மற்றும் பிரபலங்கள் பலரும் ரீல் செய்து வீடியோவை சமூக வலைதள பக்கமான இன்ஸ்டாகிராமில் பதிவிட்டு வருகிறார்கள் அந்த வீடியோ அதிக லைக்ஸ் பெற்று வருகிறது. அந்த வகையில் சமந்தா, பூஜா ஹெக்டே, யாஷிகா ஆனந்த், சிவாங்கி என பல நடிகைகள் இந்த வீடியோவுக்கு நடனமாடி வீடியோவை பதிவிட்டு வருகிறார்கள்.
அந்தவகையில் யாஷிகா ஆனந்த் தற்போது மீண்டும் பிங்க் நிற உடையில் கண்ணை பறிப்பது போல் விஜயின் பீஸ்ட் பட பாடலுக்கு நடனமாடி வீடியோவை பதிவிட்டுள்ளார் இதைப்பார்த்த ரசிகர்கள் செம டக்கர் என வர்ணித்து வருகிறார்கள். விஜயின் பீஸ்ட் திரைப்படம் வருகின்ற ஏப்ரல் மாதத்தில் வெளியாகும் என தகவல் கிடைத்துள்ளது.
நெல்சன் திலிப்குமர் இதற்கு முன்பு கோலமாவு கோகிலா டாக்டர் ஆகிய திரைப்படங்களை இயக்கியவர் அதனால் விஜய்யின் பீஸ்ட் திரைப் படத்திற்கு மிகப்பெரிய எதிர்பார்ப்பு நிலவி வருகிறது.