தமிழ் சினிமாவில் வசூல் மன்னனாக வலம் வருபவர் விஜய். கடைசியாக இவர் பீஸ்ட் படத்தில் நடித்தார் படம் கலவையான விமர்சனத்தை பெற்று இருந்தாலும் வசூல் ரீதியாக வெற்றி பெற்றது இந்த வெற்றியை தொடர்ந்து தனது 66 வது திரைப்படமான வாரிசு படத்தில் நடித்து வருகிறார். இந்த படத்தை வம்சி என்பவர் இயக்கி வருகிறார்.
தில் ராஜு வாரிசு திரைப்படத்தை மிக பிரம்மாண்ட செலவில் தயாரித்து வருகிறார் என்பது குறிப்பிடத்தக்கது. விஜயின் வாரிசு படம் அடுத்த வருடம் பொங்கலுக்கு வெளியாகும் என படக்குழு திட்டவட்டமாக கூறியுள்ளது. இந்த படத்தில் விஜய்யுடன் இணைந்து ராஷ்மிகா மந்தனா, குஷ்பூ, ஜெயசுதா, சரத்குமார், பிரகாஷ்ராஜ், ஷாம் மற்றும் பல பிரபலங்கள் இந்த படத்தில் நடித்து வருகின்றனர்.
தொடர்ந்து இந்த படத்தின் சூட்டிங் ஸ்பாட்டில் இருந்து அடிக்கடி புகைப்படம் மற்றும் வீடியோக்கள் போன்றவை லீக் ஆகிய வண்ணமே இருக்கின்றன. இது ஒரு பக்கம் இருக்க இந்த படத்தில் நடித்துக் கொண்டிருக்கும் பொழுது மறுபக்கம் தளபதி விஜய் அட்லி இயக்கத்தில் உருவாகி வரும் ஜவான் படத்தில் ஒரு நாள் கால் சீட் கொடுத்து உள்ளார் அந்த படத்திலையும் நடிக்கிறார் என்பது குறிப்பிடத்தக்கது.
இந்த இரண்டையும் படத்தையும் முடித்துவிட்டு விஜய் அடுத்ததாக லோகேஷ் கனகராஜூடன் கைகோர்த்து தனது 67 வது திரைப்படத்தில் நடிப்பார் என கூறப்படுகிறது. இந்த படம் முழுக்க முழுக்க ஒரு ஆக்சன் திரைப்படம் ஆக எடுக்க லோகேஷ் திட்டமிட்டுள்ளதாகவும் தகவல்கள் தெரிவிக்கின்றன.
இந்த படத்தில் தளபதி விஜய்க்கு வில்லனாக ஒரு பெண் நடிகை உள்ளார் என்ற தகவல் வெளியாகியது. அந்த வில்லி வேறு யாரும் அல்ல நடிகை சமந்தா தான் நடிக்க உள்ளார் என ஒரு பேச்சு இணையதள பக்கத்தில் அடிபடுகிறது இது எந்த அளவிற்கு உண்மை என்று தெரியவில்லை ஆனால் இச்செய்தி தீயாய் பரவி வருகிறது.
