Vijay Leo: நடிகர் விஜய் நடிப்பில் உருவாகி வரும் லியோ படத்தின் வசூல் குறித்த தகவல் சோசியல் மீடியாவில் வைரலாகி வருகிறது. தமிழ் சினிமாவில் தொடர்ந்து ஏராளமான வெற்றி திரைப்படங்களை தந்து வரும் நடிகர் விஜய் தற்பொழுது லோகேஷ் கனகராஜ் இயக்கத்தில் லியோ படத்தில் நடித்து வருகிறார். இந்த படத்தின் படப்பிடிப்பு பணிகள் மிகவும் விறுவிறுப்பாக நடைபெற்று வருகிறது அந்த வகையில் லியோ படத்தில் தனது காட்சிகளுக்கான படப்பிடிப்பை விஜய் முடித்து இருக்கிறார்.
இந்த படத்தில் திரிஷா, பிரியா ஆனந்த், மன்சூர் அலிகான், சஞ்சய் தத், கௌதம் மேனன் உள்ளிட்ட ஏராளமான நட்சத்திர பட்டாள்கள் இணைந்து நடித்து வருகின்றனர். விஜய் நடிப்பில் கடைசியாக பொங்கல் பண்டிகையை முன்னிட்டு வாரிசு திரைப்படம் வெளியாகி பிளாக்பஸ்டர் ஹிட்டடித்தது அதே போல் கண்டிப்பாக லியோ படம் மிகப்பெரிய வெற்றியினை பெறும் என எதிர்பார்க்கப்படுகிறது.
லியோ படத்திற்கு அனிருத் இசையமைக்க 7 ஸ்கிரீன் ஸ்டுடியோஸ் நிறுவனம் மிகவும் பிரமாண்டமாக தயாரித்து வருகிறது. அந்த வகையில் லியோ படத்தில் விஜய் பாடிய நான் ரெடி தான் பாடல் வெளியாகி சோசியல் மீடியாவில் ட்ரெண்டிங்காக இருந்து வருகிறது. லியோ படம் ரிலீசுக்கு முன்பே கிட்டத்தட்ட 450 கோடி ரூபாய் வரை வசூல் செய்திருப்பதாக தகவல் வெளியான நிலையில் தற்பொழுது தமிழகத்தில் மட்டுமே ரிலீசுக்கு முன்பு 100 கோடி ரூபாய் பிசினஸ் செய்து இருப்பதாக கூறப்படுகிறது.
அந்த வகையில் ரிலீசுக்கு முன்பு 100 கோடி ரூபாய் வசூல் செய்த ஒரே திரைப்படம் லியோ தான் என்ற பெருமையும் விஜயை சேர்ந்துள்ளது. லோகேஷ் கனகராஜ் தரமான திரைப்படங்களை தந்து வரும் நிலையில் லியோ படத்திற்காக ரசிகர்கள் மிகுந்த எதிர்பார்ப்புடன் காத்து வருகின்றனர்.
எனவே ரிலீஸ் ஆவதற்கு முன்பே லியோ படத்தின் பிசினஸ் 450 கோடியை கடந்திருக்கும் நிலையில் கண்டிப்பாக லியோ படம் 1000 வசூல் செய்து சாதனை படைக்கும் என எதிர்பார்க்கப்படுகிறது.