தமிழ் சினிமாவில் முன்னணி நட்சத்திரமாக ஜொலித்து வரும் நடிகர் விஜய் சினிமாவிற்கு அறிமுகமான காலகட்டத்தில் பிரபல தொலைக்காட்சி ஒன்றுக்கு பேட்டி அளித்துள்ளார். அதில் அவர் நிஜ வாழ்க்கையில் ஹீரோயிசம் காட்ட நினைத்து 40 பேர் கிட்ட ஆடி வாங்கிய தகவலை பகிர்ந்துள்ள நிலையில் அந்த வீடியோ தற்பொழுது இணையதளத்தில் வைரலாகி வருகிறது.
நடிகர் விஜய் நடிப்பில் பொங்கல் பண்டிகையை முன்னிட்டு கடைசியாக வாரிசு திரைப்படம் வெளியாகி கலவை விமர்சனத்தை பெற்றது. அதாவது இந்த படம் குடும்பத்தினர்களுடன் சென்று பார்ப்பதற்கு நன்றாக இருந்தாலும் அவருடைய ரசிகர்கள் எதிர்பார்த்த அளவிற்க்கு திருப்தியை தரவில்லை. மேலும் இந்த படத்தினை தெலுங்கு இயக்குனர் தில்ராஜ் இயக்கியதால் தெலுங்கு திரைப்படத்தினை போலவே நீண்ட நேரம் இருந்ததாக கூறப்படுகிறது.
இருந்தாலும் வசூல் ரீதியாக மிகப் பெரிய வெற்றி நடைபெற்றிருக்கும் நிலையில் இதனை அடுத்து தற்பொழுது நடிகர் விஜய் இரண்டாவது முறையாக இயக்குனர் லோகேஷ் கனகராஜ் உடன் இணைந்து லியோ திரைப்படத்தில் நடித்து வருகிறார். இதற்கு முன்பு அவர்களுடைய கூட்டணியில் வந்த மாஸ்டர் திரைப்படம் நல்ல வரவேற்பினை பெற்றது என்பது குறிப்பிடத்தக்கது.
இப்படிப்பட்ட நிலையில் தற்பொழுது லியோ படத்தின் படப்பிடிப்பு காஷ்மீரில் நடைபெற்று வரும் நிலையில் ஏராளமான பிரபலங்கள் இணைந்து நடித்து வருகிறார்கள். இப்படிப்பட்ட நிலையில் பல வருடங்களுக்கு முன்பு விஜய் கொடுத்திருக்கும் பேட்டி ஒன்றின் வீடியோ ரசிகர்கள் மத்தியில் வைரலாகி வருகிறது.
அதில் அவர் கூறியதாவது, நான் காலேஜ் படிக்கும் பொழுது நண்பர்களுடன் சுற்றுலா சென்று இருந்தோம். அப்பொழுது ட்ரெயினில் இருந்து இரண்டு பேர் என்னுடன் சேர்ந்து படிக்கும் தோழிகளிடம் கலாட்டா செய்து கொண்டிருந்தனர் அந்த நேரத்தில் நாங்கள் 10 பேர் சென்று அந்த இரண்டு பேரையும் அடித்து விட்டோம்.
கொஞ்ச நேரம் கழித்து பார்த்தால் அந்த இரண்டு பேரும் அடுத்த ஸ்டேஷனில் 40 பேரை அழைத்து வந்தனர் கடைசியில் அவர்கள் எங்களை அடித்து விட்டனர். மேலும் என்னுடைய நண்பர்கள் சிலர் மீண்டும் மெட்ராஸ் வரும்பொழுது கட்டு போட்டுக் கொண்டுதான் வந்தனர் என்று கூறியுள்ளார். இவ்வாறு இந்த வீடியோ சோசியல் மீடியாவில் வைரலாகி வருகிறது.
Thalaivan..🤣👌🏻 That's why, we can easily relate Vijay to us. Pakka boy next door character.!! #LEO pic.twitter.com/9DW4lxtH8d
— T H M (@THM_Off) March 7, 2023