வெங்கட் பிரபு இயக்கத்தில் அஜித் நடிப்பில் 2011 ஆம் ஆண்டு வெளியாகி சூப்பர் ஹிட் அடித்த திரைப்படம் மங்காத்தா. இது அஜித்தின் 50வது திரைப்படம் இந்த திரைப்படத்தை வெங்கட்பிரபு யாரும் எதிர்பார்க்காத அளவிற்கு அஜித்திற்கு நெகட்டிவ் ரோல் கொடுத்து அசத்தியிருந்தார்.
படம் விறுவிறுப்புக்கு பஞ்சம் இல்லாமல் இருந்ததால் படம் சிறப்பாக இருந்தது ரசிகர்களையும் தாண்டி பொதுமக்களையும் இந்த திரைப்படம் கவர்ந்து இழுத்தது. இந்த படத்தில் அஜித்துடன் கைகோர்த்து அர்ஜூன், த்ரிஷா, லட்சுமிராய், பிரேம்ஜி, அஞ்சலி, வைபவ், ஆண்ட்ரியா மற்றும் பல டாப் நடிகர் நடிகைகள் நடித்து அசத்தி இருந்தனர்.
இந்த திரைப்படத்தை தயாநிதி அழகிரி தயாரித்து இருந்தார் யுவன் இந்த படத்திற்கு இசையமைத்து இருந்தார். இயக்குனர் வெங்கட் பிரபு இதற்கு முன் படங்களை இயக்கியிருந்தாலும் மிகப்பெரிய படமாக பார்க்கப்பட்டது மங்காத்தா திரைப்படம் தான். அதேபோல அஜித்துக்கும் 50வது திரைப்படம் பெஷல் திரைப்படமாக மங்காத்தா திரைப்படம் அமைந்தது.
AK ரசிகக்ரளுக்கும் மங்காத்தா பிடித்த படமாக இன்றும் இருக்கிறது. வெங்கட்பிரபு பேட்டி ஒன்றில் மங்காத்தா திரைப்படம் குறித்து பேசியது: நீங்கள் நினைப்பது போல அஜீத், விஜய் இருவருமே போட்டியாளர்கள் என்று உண்மையில் அது அப்படி கிடையாது அஜித்தின் 50வது படமான மங்காத்தா திரைப்படம் வெற்றி பெற்ற பின் விஜய் சார் எங்களுக்கு விருந்தளித்தார்.
இப்படி ஒரு படம் பண்ணுவது எனக்கு ரொம்ப சந்தோஷம் நீ அர்ஜுன் சார் கதாபாத்திரத்தில் என்னை கூப்பிட்டு இருந்தால் கூட நான் நடித்து இருப்பேன். அஜித்தின் 50 வது படம் அது கண்டிப்பாக லேண்ட்மார்க் படமாக இருந்திருக்கும் என்றார் அதற்கு நான் இப்போது சொல்கிறீர்களே என்றேன் இல்லை நீங்கள் கேட்டிருக்கலாம் என்று விஜய் சார் சொன்னார். இதனை அப்பொழுது பகிர்ந்தார் வெங்கட்பிரபு.