விஜய் டிவியில் ஒளிபரப்பாகி வரும் சீரியல்களில் சிறகடிக்க ஆசை ரசிகர்களை பெருமளவில் கவர்ந்துள்ளது. அவ்வப்போது சீரியல் கொஞ்சம் சலிப்பு தட்டினாலும் முத்து மீனாவின் ரொமான்ஸ் காட்சிகள் ஆடியன்ஸை குதூகலப்படுத்தி வருகிறது.
வீட்டில் எவ்வளவு ரணகளம் நடந்தாலும் விஜயா வில்லத்தனம் செய்தாலும் இவர்களின் காதல் மட்டும் குறைவதே கிடையாது. அப்படி ஒரு ப்ரோமோ தான் தற்போது வெளியாகி இருக்கிறது.
முத்துவின் கார் மீது மீனாவின் பைக் இடித்து விடுகிறது. இருவரும் யாரோ போல் சண்டை போடும் நிலையில் டிராபிக் போலீஸ் கூட வந்து விடுகிறார். அப்போதுதான் அங்கு இருப்பவர்களுக்கு இருவரும் கணவன் மனைவி என தெரிகிறது.
மேலும் முத்துவின் வண்டியில் வரும் கஸ்டமர் உங்கள் மனைவி பேயாட்டம் போடுவார் என சொன்னிங்களே இவர்தானா என கேட்டு வைக்க மீனாவுக்கு கோபம் மூக்குக்கு மேல் வந்துவிடுகிறது. வீட்டிலும் அதே கோபத்தோடு இருக்கும் அவரை முத்து சமாதானம் செய்கிறார்.
இதற்காக காலம் காலமாக கணவர்கள் பயன்படுத்தும் அஸ்திரமான அல்வாவை வாங்கி வருகிறார். இப்படியாக இருவரின் டாம் அண்ட் ஜெர்ரி சண்டை, காதல், ரொமான்ஸ் என ப்ரோமோ வந்துள்ளது.
சமீப காலமாக ரோகிணியின் அடுக்கடுக்கான பொய்கள் எரிச்சல் ஊட்டி வரும் நிலையில் இந்த ப்ரோமோ ரசிக்கும் வகையில் இருக்கிறது. அந்த வகையில் அடுத்த சில நாட்களுக்கு ஆடியன்ஸ் இந்த க்யூட் ரொமான்சை பார்த்து ரசிக்கலாம்.