சமீபகாலங்களாக சீரியல்களை பார்ப்பதற்கான ரசிகர் பட்டாளம் அதிகரித்து உள்ளது. அந்த வகையில் சினிமா நடிகர்,நடிகைகளைவிடவும் சின்னத்திரையின் மூலம் அறிமுகமாகி பிரபலமடைந்தவர்கள் ஏராளமானவர்கள் உள்ளார்கள். அதோடு மட்டுமல்லாமல் சீரியல்களின் மூலம் பிரபலமடைந்து பிறகு திரைப்படங்களில் நடிப்பதையும் வழக்கமாக வைத்திருக்கிறார்கள்.
அந்தவகையில் முக்கியமாக விஜய் டிவியில் ஒளிபரப்பாகி வரும் அனைத்து சீரியல்களுக்கும் ரசிகர்கள் மத்தியில் நல்ல ஒரு மவுசு இருந்து வருகிறது. ரசிகர்கள் மத்தியில் நல்ல வரவேற்பு பெற்ற சீரியல்களில் ஒன்றுதான் ராஜா ராணி. இந்த சீரியல் அறிமுகமான காலகட்டத்தில் இருந்து முடிக்கின்ற வரையிலும் டிஆர்பி-யில் முன்னணி வகித்து வந்தது.
அந்தவகையில் இந்த சீரியலில் ஆலியா மானசா மற்றும் சஞ்சீவ் இருவரும் ஜோடியாக நடித்து வந்தார்கள்.இந்த சீரியலின் மூலம் இவர்களுக்கு இடையே காதல் ஏற்பட்டு குடும்பத்தினர் சம்மதத்துடன் இருவரும் திருமணம் செய்துகொண்டார்கள் தற்போது இவர்களுக்கு ஐலா என்ற பெண் குழந்தை ஒன்றும் உள்ளது.
பிறகு சஞ்சீவ் மற்ற சீரியல்களில் நடிக்க ஆரம்பித்தார் ராஜா ராணி ரசிகர்கள் மத்தியில் நல்ல வரவேற்பை பெற்றதால் அதன் இரண்டாவது பகுதியும் உருவாக்கப்பட்டது. தற்பொழுது முதல் பகுதியைவிட இரண்டாவது பகுதி ரசிகர்கள் மத்தியில் நல்ல வரவேற்பை பெற்று வருகிறது.
இப்படி போய்க்கொண்டிருக்கும் நிலையில் ஆலியா மானசா நிஜ வாழ்க்கையிலும் நிறைமாத கர்ப்பிணியாக இருப்பதால் அவரால் தொடர்ந்து சீரியல் நடிக்க முடியவில்லை. தற்பொழுது சீரியலில் நடித்து வந்தாலும் சில மாதம் ஓய்வெடுக்க வேண்டும் என்பதற்காக அவர் சீரியலில் இருந்து விலகியுள்ளார்.
இப்படிப்பட்ட நிலையில் ஆலியா மானசா நடித்து வந்த சந்தியா கேரக்டரில் இதற்குமேல் யார் நடிக்கப் போகிறார் என்ற தகவல் இன்னும் சரியாக தெரியவில்லை. ஆனால் ரசிகர்கள் அதனைப்பற்றி சோசியல் மீடியாவில் பல கருத்துகளை தெரிவித்து வருகிறார்கள். ராஜா ராணி சீரியல் வெற்றி பெறுவதற்கு முக்கிய காரணம் ஆலியா மானசா என்று கூறலாம் இவரின் சிறந்த நடிப்புத் திறமையினால் இவருக்கு ஏராளமான ரசிகர்கள் இருந்து வருகிறார்கள். இப்படிப்பட்ட நிலையில் இவர் திடீரென்று விலகுவதால் விஜய் டிவியின் டிஆர்பி ரேட்டிங் குறையும் என்று கருதப்படுகிறது.