விஜய் டிவிக்கு சென்றாலே அவர்களுக்கு எப்படியோ திருமணம் ஆகிவிடும் என்பது ஒரு ராசியாக இருக்கிறது. அதிலும் விஜய் டிவியே சிலரை சேர்த்து வைத்து விடும். இப்படி ரீல் ஜோடியாக இருந்து ரியல் ஜோடியாக மாறிய பல பேரை சொல்லலாம்.
அதில் க்யூட்டாக வளம் வரும் ஜோடி தான் சஞ்சீவ் ஆலியா மானசா. விஜய் டிவியின் ராஜா ராணி என்ற சீரியலில் தான் இருவரும் இணைந்து நடித்தனர். அப்போதே இருவருக்குள்ளும் ஒரு நல்ல நட்பு இருந்தது.
அந்த சமயத்தில் ஆலியா வேறு ஒருவரை காதலித்து வந்தார். அது பிரேக்கப்பில் முடிந்த நிலையில் சஞ்சீவ் அவர் மனதில் இடம் பிடித்தார். விஜய் டிவியே இவர்களுக்கு மேடையில் நிச்சயதார்த்தம் செய்ததெல்லாம் தனி கதை.
அதன் பிறகு திருமணம் செய்து கொண்ட இந்த ஜோடிக்கு தற்போது இரண்டு குழந்தைகள் இருக்கின்றனர். தற்போது இருவருமே சன் டிவியில் கயல் இனியா என தனி தனி சீரியல்களில் நடித்து வருகின்றனர்.
இந்த இரண்டு சீரியல்களிலுமே இவர்களுடைய ரொமான்ஸ் பாப்புலர் தான். டிஆர்பியிலும் இந்த சீரியல்கள் நல்ல இடத்தில் இருக்கிறது. ஆனாலும் இது இரண்டும் தற்போது முடிவுக்கு வரப்போகிறது.
அதன்படி என் பொண்டாட்டியோட நான் தான் ரொமான்ஸ் பண்ணுவேன் என சஞ்சீவ் மீண்டும் ஆலியாவுடன் ஒரு சீரியலில் நடிக்க முடிவெடுத்துவிட்டார். அதன்படி மீண்டும் விஜய் டிவிக்கு வரும் இந்த ஜோடி நடிக்கப்போவது ராஜா ராணி 3 சீரியலில் தான்.
முதல் பாகம் மாபெரும் வெற்றி பெற்ற நிலையில் இரண்டாம் பாகம் கொஞ்சம் சொதப்பியது. அதற்கு முக்கிய காரணம் ஹிந்தி சீரியலை அவர்கள் ரீமேக் செய்ததுதான். தற்போது ரியல் ஜோடி மீண்டும் நடிக்கப் போவதில் ரசிகர்களுக்கு கொண்டாட்டம்தான்.