விஜய் டிவியில் மிகவும் விறுவிறுப்பாக ஓடிக் கொண்டிருக்கும் சீரியல் தான் பாண்டியன் ஸ்டோர்ஸ். தற்பொழுது கதிர் முல்லையின் ட்ரீட்மெண்ட்காக வாங்கிய பணத்தை தர வேண்டும் என்பதற்காக ஹோட்டல் ஒன்றில் சர்வராக பணியாற்றி வருகிறார். அங்கு சரியாக வேலை செய்யாததால் முதலாளிடம் திட்டு வாங்கி வருகிறார். இதனைத் தொடர்ந்து முல்லையிடம் சூப்பர் மார்க்கெட்டில் வேலை செய்வதாக கூறியுள்ளார்.
இதனைத் தொடர்ந்து பாண்டியன் ஸ்டோர்ஸ் சூப்பர் மார்க்கெட்டில் ஜீவா மட்டும் வேலை செய்து வருவதால் அவருக்கு துணையாக தனமும் தற்பொழுது வேலை செய்து வருகிறார். மேலும் தனம் தொடர்ந்து உட்காராமல் தன்னால் முடிந்தவரை தனது மகனைப் பார்த்துக் கொண்டு சூப்பர் மார்க்கெட்டில் இருக்கும் அனைத்து வேலைகளையும் பார்த்து வருகிறார்.
இப்படிப்பட்ட நிலையில் இன்று வெளியாகவுள்ள எபிசோடில் தனம் காலையில் எழுந்து கிளம்பி வேகமாக சாப்பிட்டு விட்டு ஐஸ்வர்யா மற்றும் மீனாவை சண்டை போட்டுக்காதீங்க என்று கூறிவிட்டு கிளம்புகிறார். கடைக்கு போனவுடன் ஜீவாவிடம் கஸ்டமர்கள் அனைத்து பொருட்களும் விலை அதிகமாக இருக்கிறது என்று சண்டை போடுகிறார்கள்.
அவ்வ பொழுது வந்து தனம் இதனைக் கேட்டு விட்டு நாங்கள் அப்படியெல்லாம் செய்ய மாட்டோம் இப்படி நடந்ததற்கு எங்களை மன்னித்து விடுங்கள் என கையெழுத்து கும்பிடுகிறார். அதன் பிறகு ஜீவா கதிர் வேலை பார்க்கும் ஹோட்டலில் மளிகை பொருட்களை தருவதற்காக செல்கிறார்.
ஜீவாவை பார்த்தவுடன் கதிர் உள்ளே போய்விடுகிறார். ஒருவர் சாம்பார் கேட்க அவனை வரசொல் என கதிரை கூப்பிடுகிறார். பிறகு கதிரும் தனது மூஞ்சை மறைத்துக் கொண்டே அனைவருக்கும் பரிமாறுகிறார். இவ்வாறு ஜீவா ஹோட்டலில் வேலை செய்யும் கதிரை பார்ப்பாரா?மாட்டாரா? என இனி வரும் எபிசோடில் தான் தெரியும்.
இது ஒரு புறம் இருக்க மற்றொருபுறம் மீனா மற்றும் ஐஸ்வர்யா இருவரும் வேலை செய்வதற்காக சண்டை போட்டுக் கொள்கிறார்கள். அதனைப் பார்த்துவிட்டு கண்ணன் ஏன் இப்படி சண்டை போடுறீங்க எனக் கேட்கிறார்.