விஜய் டிவியில் கடந்த சில வருடங்களாக மிகவும் விறுவிறுப்பாக ஒளிபரப்பாகி வரும் முக்கியமான சீரியல் தான் பாண்டியன் ஸ்டோர்ஸ். இந்த சீரியல் நான்கு அண்ணன் தம்பிகளின் பாச உறவினை மையமாக வைத்து ஒளிபரப்பாகி வரும் நிலையில் இந்த சீரியலில் நடித்து வரும் அனைத்து கதாபாத்திரங்களுக்கும் ரசிகர்கள் மத்தியில் நல்ல வரவேற்பு கிடைத்து வருகிறது.
எவ்வளவு பிரச்சனை வந்தாலும் நான்கு அண்ணன் தம்பிகள் தங்களுடைய மனைவிகளுடன் ஒற்றுமையாக இருந்து வரும் நிலையில் இந்த சீரியலுக்கு குடும்ப இளவரசிகள் மத்தியில் நல்ல வரவேற்பு கிடைத்து வருகிறது. அதாவது தற்பொழுது மூன்று மருமகள்களும் கர்ப்பமாக இருந்தார்கள் எனவே மூர்த்தி, கதிர், கண்ணன் ஆகியோர்கள் தங்களுடைய மனைவிகளை நன்றாக பார்த்துக் கொள்ள வேண்டும் என நினைத்து வருகின்றனர்.
இப்படிப்பட்ட நிலையில் இன்றைய எபிசோடில் மீனா ஜீவாவை அழைத்துக் கொண்டு வெளியில் போக வேண்டும் என நினைக்கிறார். ஜீவாவும் மீனாவை வெளியில் அழைத்துப் போக முடிவெடுக்க பிறகு மீனா வெளியில் போகிறோம் உன் கிட்ட பணம் இருக்குல்ல என கேட்க அதற்கு ஜீவா தன்னுடைய பாக்கெட்டில் இருந்து 50 ரூபாய் எடுக்கிறார்.
அந்த பணத்தைப் பார்த்து மூர்த்தியிடம் தன் மகளுக்காக பேம்பர்ஸ் வாங்குவதற்காக பணம் கேட்ட பொழுது எதற்கு தேவையில்லாத வீண் செலவு என மூர்த்தி கூறியதை நினைத்து பார்க்கிறார். மேலும் கண்ணன் தன்னுடைய சம்பளப் பணத்தில் இருந்து தேவையானதை எடுத்துக் கொண்டு மீதியை மூர்த்தியிடம் தந்த நிலையில் அதற்கு ஜீவா அண்ணன்கிட்டையே எல்லா பணத்தையும் கொடுத்து இருக்கலாம்ல என கேட்க அதற்கு கண்ணன் அண்ணன் கிட்ட பத்து ரூபா கேக்கணும்னா கூட பயமா இருக்கு என கூறுவதையும் நினைத்துப் பார்க்கிறார்.
மேலும் கதிரும் தனியாக பாண்டியன் ஸ்டோர்ஸ் ஹோட்டலை நடத்தி வரும் நிலையில் அனைவருக்கும் பணம் இருந்து வருகிறது. ஆனால் ஜீவா மட்டும் தான் குடும்பத்திற்காக உழைத்து தனக்கென பணம் வைத்துக் கொள்ளாமல் இருக்கிறார். எனவே தன்னுடைய மகளுக்கு தேவையானதை கூட வாங்க முடியவில்லை என நினைத்து அழுகிறார். இதன் காரணமாக இதற்கு மேல் ஜீவா புதிதாக ஒரு தொழிலை தொடங்குவார் என எதிர்பார்க்கப்படுகிறது இதனால் குடும்பத்தினருக்கு இடையே பிரச்சனை ஏற்பட அதிக வாய்ப்பு இருக்கிறது.