விஜய் டிவியில் ஒளிபரப்பாகி வரும் சீரியல்களில் பாண்டியன் ஸ்டோர்ஸ் 2 தற்போது ரசிகர்களின் ஆதரவை பெற்று வருகிறது. அதிலும் மாமியார் மருமகள்களின் ஒற்றுமை ரசிக்கும் வகையில் இருப்பது தான் இதன் வெற்றிக்கான காரணம்.
ஆனால் மூத்த மருமகளான தங்கமயில் ஏகப்பட்ட பொய் பித்தலாட்டங்களை சொல்லி வீட்டுக்குள் வந்திருக்கிறார். அவருடைய சுயரூபம் இன்னும் யாருக்கும் தெரியவில்லை. எப்போது அந்த உண்மை வெளிவருமோ என ரசிகர்கள் ஆவலுடன் காத்திருக்கின்றனர்.
அதன் முதற்கட்டமாக தற்போது மூத்த மருமகளின் லட்சணம் மாமனாருக்கு தெரிய வந்திருக்கிறது. அதாவது தற்போது வெளியாகி உள்ள ப்ரோமோவில் சரவணன் தங்கமயில் தேனிலவுக்கு சென்றபோது நடந்த விஷயம் அம்பலமாகி இருக்கிறது.
பணத்தை கதிர் திருடி விட்டார் என பாண்டியன் கோபத்தின் உச்சிக்கே செல்கிறார். அவரை வீட்டை விட்டு செல்ல சொல்லும் சூழலில் சரவணன் மொத்த உண்மையையும் போட்டு உடைக்கிறார்.
இதனால் பயந்து நடுங்கி போகும் தங்கமயில் எப்படி சமாளிக்க போகிறார் என்று தெரியவில்லை. ஆனால் பாண்டியன் நெற்றிக்கண்ணை திறந்து கோபத்தோடு இருப்பதை பார்க்கும் போதே சம்பவம் உறுதியென தெரிகிறது.
இப்படியாக வெளிவந்துள்ள புரோமோவை பார்த்த ரசிகர்கள் சரவணனை பாராட்டி வருகின்றனர். எப்படியோ உண்மை வெளிவந்து விட்டது. இனி அடுத்து தங்கமயில் சொன்ன பொய் ஒவ்வொன்றாக வெளிவரும்.