விஜய் டிவியில் ஒளிபரப்பாகி வரும் அனைத்து சீரியலுக்கும் ரசிகர் மத்தியில் நல்ல வரவேற்பு இருந்து வருவதால் தொடர்ந்து ஏராளமான புதிய சீரியல்களை அறிமுகப்படுத்தி வருகிறார்கள். அதோடு பொதுவாக விஜய் டிவியில் ஒளிபரப்பாகி வரும் நிகழ்ச்சிகள் மற்றும் சீரியல்கள் என அனைத்தும் ரசிகர்களை எளிதில் கவர்ந்து விடுகிறது.
ஒவ்வொரு சீரியலும் ஒவ்வொரு விதமான கதையை மையப்படுத்தி ஒளிபரப்பி வருவதால் டிஆர்பி-யில் முன்னணி வகித்து வருகிறது. இப்படிப்பட்ட நிலையில் தற்போது ஆஹா கல்யாணம் என்ற புதிய சீரியல் ஒன்றை அறிமுகப்படுத்தி உள்ளார்கள் அந்த சீரியலின் ஃரோமோ இணையதளத்தில் வைரலாகி வருகிறது.
இந்த சீரியலில் ஹீரோவாக ரசிகர்களின் மத்தியில் பிரபலமடைந்து நீங்கா இடம் பிடித்த நாயகன் கார்த்திக் தான் நடிக்க உள்ளார். இவருக்கு ஜோடியாக இரண்டு ஹீரோயின்கள் அறிமுகமாக உள்ளார்கள் என்று கூறப்படுகிறது. இதனை தொடர்ந்து இவர் இதற்கு முன்பு ஜீ தமிழில் ஒளிபரப்பாகி வந்த செம்பருத்தி சீரியலில் நடித்து இருந்தார்.
பிறகு தொடர்ந்து திரைப்படங்களில் நடிப்பதற்கான வாய்ப்பு கிடைத்து வந்ததால் சீரியல் நடிப்பதை விட்டுவிட்டு திரைப்படம் நடிப்பதை தொடங்கினார். சில திரைப்படங்களும் வெளிவந்து ரசிகர்கள் மத்தியில் ஓரளவுக்கு நல்ல வரவேற்பை பெற்றிருந்தது. இப்படிப்பட்ட நிலையில் ஆஹா கல்யாணம் சீரியல் கார்த்திக்கு ஜோடியாக செம்பருத்தி சீரியல் ஷபானா மற்றும் ராஜா ராணி 2 ஆலியா மானசா இருவரில் ஒருவர் நடிக்க இருப்பதாக கூறப்படுகிறது.
ஷபானாவை விட ஆலியா மானசா தான் நடிப்பார் என்று எதிர்பார்க்கப்படுகிறது. இந்த சீரியல் கதாநாயகி மற்றும் கதாநாயகன் இருவரும் விரோதிகளாக இருக்கும் நிலையில் எதிர்பாராதவிதமாக இருவருக்கும் திருமணம் நடைபெறுகிறது அதனை சமாளித்து எப்படி வாழ்கிறார்கள் என்பதை மையமாக வைத்துதான் இந்த சீரியல் அமைந்திருப்பதாக கூறப்படுகிறது