தமிழ் சினிமாவில் முன்னணி நடிகராக வலம் வந்து கொண்டிருக்கும் நடிகர் விஜய் தற்போது வாரிசு திரைப்படத்தில் நடித்து முடித்துள்ளார் இந்த திரைப்படத்தினை வம்சி இயக்க தில்ராஜ் தயாரிப்பில் உருவாகியுள்ளது இந்த திரைப்படம் தமிழ், தெலுங்கு என இரு மொழிகளில் வெளியாகி உள்ள நிலையில் வருகின்ற பொங்கல் பண்டிகையை முன்னிட்டு வெளியாக இருக்கிறது.
மேலும் இந்த படத்தில் முதல் முறையாக நடிகர் விஜய்க்கு ஜோடியாக நடிகை ராஷ்மிகா மந்தனா நடித்துள்ளார். இவரை எடுத்து குஷ்பு உள்ளிட்ட இன்னும் சில முக்கிய பிரபலங்களும் வாரிசு திரைப்படத்தில் நடித்துள்ளார். இப்படிப்பட்ட நிலையில் இந்த படத்தின் ப்ரோமோஷன் பணிகளில் பட குழுவினர்கள் மிகவும் தீவிரமாக ஈடுபட்டு வருகிறார்கள். அந்த வகையில் தற்பொழுது இன்று வாரிசு திரைப்படத்தின் இசை வெளியீட்டு விழா மிகவும் பிரம்மாண்டமாக நடைபெறுகிறது.
சென்னை நேரு உள் விளையாட்டு அரங்கத்தில் இன்று நடந்து கொண்டிருக்கிறது. எனவே நடிகர் விஜயை சந்திக்க வேண்டும் என்பதற்காக ஏராளமான ரசிகர் பட்டாளம் நேரு உள்விளையாட்டு அரங்கின் முன் குவிந்துள்ளார்கள். இப்படிப்பட்ட நிலையில் தற்போது அஜித்தை தீண்டும் வகையில் விஜய் ரசிகர்கள் சில பேனர்களை கையில் வைத்து இருக்கிறார்கள் அந்த பேனர் புகைப்படம் சோசியல் மீடியாவில் வைரலாகி வருகிறது.
அதில் அவர்கள் கூறியிருப்பதாவது ஸ்டுடியோவில் இருந்து ரிலீஸ் பண்ண இது என்ன ஆமை பாட்டா ஸ்டேடியம் போட்டு கொண்டாடுவோம் டா எங்க அண்ணன் பாட்டு என கூறியிருக்கிறார்கள். இவ்வாறு தல அஜித் நடித்துள்ள துணிவு திரைப்படமும் தளபதி விஜய் நடித்துள்ள வாரிசு திரைப்படம் இரண்டு பொங்கல் தினத்தை முன்னிட்டு ஒரே நேரத்தில் வெளியாக இருக்கிறது என்பது நாம் அனைவருக்கும் தெரிந்த ஒன்றுதான்.
இதன் காரணமாக தொடர்ந்து இருதரப்பு ரசிகர்களும் சோசியல் மீடியாவில் மாறி மாறி சண்டை போட்டு வருகிறார்கள். மேலும் இதனை அடுத்து துணிவு திரைப்படத்தின் மூன்றாவது பாடல் கிறிஸ்துமஸ் தினத்தை முன்னிட்டு நாளை வெளியாக உள்ளது என்பது குறிப்பிடத்தக்கது இதற்கு முன்பாக இரண்டு பாடல்கள் வெளியான நிலையில் தற்போது மூன்றாவது பாடல் வெளியாக இருக்கிறது.