இயக்குனர் விக்னேஷ் சிவன் தமிழ் சினிமா உலகில் இயக்குனராகவும் பாடகராகவும் தொடர்ந்து பயணித்து ஓடிக்கொண்டிருக்கிறார். சினிமா உலகில் வெற்றியை கண்டு ஓடும் விக்னேஷ் சிவன் ஒரு பக்கம் லேடி சூப்பர் ஸ்டார் நயன்தாராவை கடந்த ஆறு வருடங்களுக்கு மேலாக காதலித்து வந்த நிலையில் ஜூன் மாதம் ஒன்பதாம் தேதி..
உறவினர்கள், நண்பர்கள் முன்னிலையில் நயன்தாராவை திருமணம் செய்து கொண்டார் அதன் பிறகு இந்த ஜோடி சினிமாவுக்கு என ஒரு நேரத்தை ஒதுக்கி விட்டு மற்ற நேரங்களில் வாழ்க்கையை என்ஜாய் பண்ணி வருகின்றனர். அந்த வகையில் இந்த ஜோடி ஸ்பெயின் நாட்டில் சுற்றி திரிந்த புகைப்படங்களை வெளியிட்டு அசத்தியது.
இது இப்படி இருக்க நடிகர் அஜித்தின் புகைப்படங்களையும் சோசியல் மீடியாவில் விக்கி பகிர்ந்து வருவது பலருக்கும் ஆச்சரியத்தை கொடுக்கிறது. அஜித் தற்போது தனது 61வது திரைப்படத்தில் விறுவிறுப்பாக நடித்து வருகிறார் இந்த படத்தின் அடுத்த கட்ட சூட்டிங்காக வெளிநாடுகளுக்கு போக இருப்பதால் அதற்கு முன்பாக அஜித் லடாக் பயணம் மேற்கொண்டு உள்ளார்.
தொடர்ந்து அதன் புகைப்படங்கள் வெளிவந்து அசத்துகின்றன. அதில் சில புகைப்படங்களை விக்னேஷ் சிவன் தனது சமூக வலைதள பக்கத்தில் வெளியிட்டுள்ளார் இதை பார்த்த ரசிகர்கள்.. அஜித்தின் 62 ஆவது படத்தை நீங்கள் தான் இயக்க இருக்கிறீர்கள் அதற்கு இப்பொழுதே ஐஸ் வைக்கிறீர்களா என கேட்டு வருகின்றனர்.
மேலும் புகைப்படத்தை பார்த்த ஒரு சில ரசிகர்கள் நயன்தாராவை விட நடிகர் அஜித்தை தான் ரொம்ப லவ் பண்ணுகிறீர்கள் எனவும் கூறி கமெண்ட் அடித்து வருகின்றனர். ஆனால் விக்னேஷ் இந்த கமெண்டுக்கு எல்லாம் பெரிதாக ரிப்ளை பண்ணாமல் இருந்து வருகிறார். இதோ அஜித் செம மாசாக ஸ்டைலாக இருக்கும் அந்த புகைப்படம்..
