ஜெய் பீம் ஞானவேல் இயக்கத்தில் லைக்கா தயாரித்துள்ள படம் தான் வேட்டையன். சூப்பர் ஸ்டார் ரஜினியுடன் அமிதாப்பச்சன், மஞ்சு வாரியர், பகத் பாசில், ராணா டகுபதி என பல பிரபலங்கள் இதில் நடித்துள்ளனர்.
அக்டோபர் 10ஆம் தேதி வெரி வர இருக்கும் இப்படத்தில் இருந்த இதுவரை போஸ்டர்கள் தான் வந்திருக்கிறது. ரிலீஸ் தேதிக்கு இன்னும் ஒரு மாத காலமே இருக்கும் நிலையில் அடுத்த அப்டேட் பற்றி ரசிகர்கள் விடாமல் கேட்டு வந்தனர்.
அதன்படி விநாயகர் சதுர்த்தி தின ஸ்பெஷலாக போஸ்டர் உடன் அசத்தல் அப்டேட் ஒன்றை கொடுத்துள்ளது லைக்கா. அதாவது வேட்டையன் படத்தின் முதல் சிங்கிள் பாடலான மனசிலாயோ வரும் ஒன்பதாம் தேதி வெளியாகும் என அறிவிக்கப்பட்டுள்ளது.
அனிருத் இசையில் உருவாகி இருக்கும் இப்பாடல் எப்படி இருக்கும் என ரசிகர்கள் இப்போது ஆர்வத்துடன் எதிர்பார்த்து வருகின்றனர். அதேபோல் மனசிலாயோ என்ற வார்த்தை ஜெயிலர் படத்தில் வில்லன் அடிக்கடி பயன்படுத்துவார்.
அதனாலேயே இப்போது இந்த பாடலுக்கான எதிர்பார்ப்பு அதிகரித்துள்ளது. அதேபோல் மலையாளத்தில் வரும் இந்த வார்த்தையின் தமிழ் அர்த்தம் புரிஞ்சுதா என்பதுதான்.
அப்படி என்றால் சூப்பர் ஸ்டார் இது யாருக்காக சொல்கிறாரா என்ற கேள்வியும் ஒரு பக்கம் இருக்கிறது. எது எப்படியோ இந்த பாடலை கொண்டாடுவதற்கு ரசிகர்கள் இப்போது தயார் நிலையில் இருக்கின்றனர்.