Ethirneechal serial: சன் டிவியின் டிஆர்பி-யில் பட்டையை கிளப்பி வந்த எதிர்நீச்சல் சீரியலில் தற்போது எதிர்பாராத ட்விஸ்ட் நடந்து இருக்கும் நிலையில் அடுத்து என்ன நடக்கப்போகிறது என்ற எதிர்பார்ப்பும், சோகமும் ரசிகர்கள் மத்தியில் இருந்து வருகிறது. அதாவது ஆதி குணசேகரனாக கலக்கி வந்த நடிகர் மாரிமுத்து இன்று மாரடைப்பால் மரணம் அடைந்துள்ளார்.
மாரிமுத்து எதிர்நீச்சல் சீரியலுக்கான டப்பிங் பணியில் ஈடுபட்டு வரும் பொழுது நெஞ்சு வலி ஏற்பட இதற்காக அருகில் இருந்த சூர்யா மருத்துவமனையில் அனுமதிக்கப்பட்டுள்ளார் ஆனால் அங்கு சிகிச்சை பலனின்றி இன்று காலையில் மரணமடைந்தார்.
இந்த செய்தி வெளியாகி திரைப்பிரபலங்கள், ரசிகர்கள் என அனைவரையும் சோகத்தில் ஆழ்த்தியுள்ளது. ஆதி குணசேகரனாக ஒட்டுமொத்த ரசிகர்களையும் கவர்ந்த மாரிமுத்து தற்பொழுது தான் தனக்கான ஒரு அங்கீகாரத்தை பெற்றுள்ளார். உதவி இயக்குனராக அறிமுகமான மாரிமுத்து கண்ணும் கண்ணும், புலிவால் போன்ற இரண்டு திரைப்படங்களை இயக்கியிருந்தாலும் இந்த படங்கள் சொல்லும் அளவிற்கு பிரபலத்தை தரவில்லை.
இதனை தொடர்ந்து 20 திரைப்படங்களில் துணை கேரக்டரில் நடித்திருக்கிறார் இவ்வாறு இது எதுவுமே தராத புகழை எதிர்நீச்சல் சீரியல் தந்துள்ளது. இப்படிப்பட்ட சூழ்நிலையில் இவர் மரண செய்தி ரசிகர்களை பெரிதளவிலும் பாதித்துள்ளது. ஆதி குணசேகரன் கதாபாத்திரத்திற்கு மாரிமுத்துக்கு ஈடாக எந்த ஒரு பிரபலமும் நடிக்க முடியாது என ரசிகர்கள் கூறி வருகின்றனர்.
இந்நிலையில் தற்பொழுது எழுத்தாளரும், நடிகருமான வேல ராமமூர்த்தி ஆதி குணசேகரனாக நடிக்க இருப்பதாக கூறப்படுகிறது. இவர் நம்ம வீட்டுப் பிள்ளை உள்ளிட்ட பல திரைப்படங்களில் நடித்துள்ளார் இவர் ஒருவர் தான் மாரிமுத்து சாயலில் இருக்கிறார் எனவே இயக்குனர் திருச்செல்வம் அவரை அணுக முடிவெடுத்து இருப்பதாக கூறப்படுகிறது.
வேல ராமமூர்த்தி எதிர்நீச்சல் சீரியலில் ஆதி குணசேகரனாக நடிக்க வேலராமமூர்த்தி ஒப்புக் கொள்வார் என கூறப்படும் நிலையில் விரைவில் இது குறித்த அதிகாரப்பூர்வமான தகவல் வெளியாகும் என எதிர்பார்க்கப்படுகிறது.