தளபதி விஜய் பீஸ்ட் திரைப்படத்தை தொடர்ந்து அடுத்ததாக வம்சி இயக்கத்தில் வாரிசு என்ற திரைப்படத்தில் நடித்து வருகிறார் இந்த திரைப்படத்தை தில் ராஜு தயாரித்துள்ளார், அது மட்டும் இல்லாமல் படத்திற்கு எஸ் தமன் தான் இசையமைத்துள்ளார். மேலும் இந்த திரைப்படத்தில் விஜயுடன் இணைந்து ராஷ்மிகா மந்தனா, சரத்குமார், பிரபு பிரகாஷ்ராஜ், ஷாம், ஸ்ரீகாந்த், குஷ்பூ, யோகி பாபு, ஜெயசுதா, சங்கீதா கிருஷ் சம்யுக்தா, சண்முகநாதன், நந்தினி ராய், கணேஷ் வெங்கட்ராமன், ஸ்ரீமன், வி டிவி கணேஷ், ஜான் விஜய் என மிகப் பெரிய நட்சத்திர பட்டாளமே நடித்துள்ளார்கள்.
வம்சி இயக்கும் இந்த திரைப்படத்தின் மீதான எதிர்பார்ப்பு ரசிகர்களிடம் இரண்டு மடங்காக அதிகரித்துள்ளது அதற்கு காரணம் பொங்கல் தினத்தில் வாரிசு திரைப்படத்துடன் அஜித்தின் துணிவு திரைப்படம் மோத இருப்பதால் இரண்டு திரைப்படத்திற்கும் மிகப் பெரிய எதிர்பார்ப்பு நிலவி வருகிறது. ரசிகர்கள் மட்டுமல்லாமல் சினிமா பிரபலங்களும் மிகவும் ஆவலுடன் இருக்கிறார்கள்.
இந்த நிலையில் சமீபத்தில் துணிவு திரைப்படத்திலிருந்து ட்ரெய்லர் வெளியான நிலையில் தற்போது வாரிசு திரைப்படத்திலிருந்து இன்று மாலை ட்ரெய்லர் வெளியாகும் என அதிகாரப்பூர்வமாக அறிவித்து இருந்தது படக்குழு, அதேபோல் தற்பொழுது வாரிசு திரைப்படத்தின் டிரைலரை பட குழு வெளியிட்டுள்ளது. இந்த திரைப்படம் முழுக்க முழுக்க ஃபேமிலி சென்டிமென்ட் ஸ்டோரியாக இருக்கும் என எதிர்பார்க்கப்படுகிறது.
ஏனென்றால் சரத்குமார் தன்னுடைய இரண்டு பிள்ளைகளை மட்டுமே தன்னுடைய பேமிலி என அறிமுகப்படுத்துகிறார், ஆனால் தளபதி விஜய் அவர்களை கூறவே மாட்டார். அப்படிதான் இந்த படத்தின் டிரைலரும் ஆரம்பிக்கிறது அதன் பிறகு விஜய் சரத்குமார் இடத்திற்கு வருகிறார் தன்னுடைய பிசினஸில் ஏற்படும் அனைத்து எதிர்ப்புகளையும் எப்படி தகர்த்து எறிகிறார் என்பதுதான் படத்தின் மீதி கதை.
அதுமட்டுமில்லாமல் இந்த திரைப்படத்தில் கூட்டு குடும்பமாக இருக்கும் பேமிலி திடீரென ஏதோ ஒரு சூழ்நிலையில் பிரிய அதனை எப்படி மீண்டும் ஒன்று சேர்க்கிறார் விஜய் என்பதுதான் படத்தின் ஸ்டோரி. இந்த நிலையில் ட்ரெய்லர் வெளியாகி ரசிகர்களிடம் நல்ல விமர்சனங்களை பெற்று வருகிறது.
அதுமட்டுமில்லாமல் ட்ரெய்லர் வெளியாகி இரண்டு மணி நேரத்தில் 5.9 மில்லியன் வியூ ஸ்கலை பெற்று 1.2 மில்லியன் லைக்குகளை பெற்று வைரலாகி வருகிறது. இன்னும் சில மணி நேரங்களில் இந்த ட்ரெய்லர் மிகப்பெரிய சாதனையை படைக்கும் என எதிர்பார்க்கப்படுகிறது. சாதனை மேல் சாதனை நிகழ்த்த விஜய் ரசிகர்கள் வெறித்தனமாக காத்துக் கொண்டிருக்கிறார்கள்.