தமிழகத்தில் தற்பொழுது மிகவும் பேசும் பொருளாக வாரிசு, துணிவு திரைப்படங்கள் இருந்து வருகிறது இந்த ஆண்டு பொங்கல் பண்டிகையை முன்னிட்டு அஜித் நடித்திருக்கும் துணிவு மற்றும் விஜய் நடித்திருக்கும் வாரிசு திரைப்படங்கள் வெளியாக இருக்கும் நிலையில் ரசிகர்கள் மிகுந்த எதிர்பார்ப்புடன் காத்து வருகிறார்கள். இப்படிப்பட்ட நிலையில் தொடர்ந்து இந்த திரைப்படங்களை பற்றிய அப்டேட்டுகள் வெளியாகி வரும் நிலையில் ரசிகர்கள் ஒவ்வொன்றையும் வேற லெவலில் வைரலாக்கி வருகிறார்கள்.
அந்த வகையில் தற்பொழுது இந்த படத்திற்கான சிறப்பு காட்சிகள் பற்றிய சூப்பர் அப்டேட் வெளியாகியுள்ளது அதாவது பொங்கல் பண்டிகையை முன்னிட்டு ஜனவரி 11ம் தேதியன்று வெளியாக இருக்கும் நிலையில் இந்த இரண்டு படங்களிற்கான முதல் காட்சி எப்பொழுது என ரசிகர்கள் கேள்வி எழுப்பி வருகிறார்கள். எனவே தற்பொழுது படக்குழுவினர்களிடமிருந்து அதிகாரப்பூர்வமான அறிவிப்பு வெளியாகி உள்ளது.
அதாவது வாரிசு திரைப்படத்தின் விநியோகஸ்தர் லலித் குமார் விஜய் படத்தை இரவு ஒரு மணிக்கு சிறப்பு காட்சி திரையிட திட்டமிட்டார் எனவே இதற்கான பேச்சுவார்த்தை நடைபெற்ற நிலையில் இரண்டு திரைப்படங்களும் அதே நேரத்தில் சிறப்புக்காட்சி திரையிட வேண்டாம் என திரையரங்கு உரிமையாளர்கள் பட குழுவினர்களிடம் கோரிக்கை வைத்தனர்.
எனவே அதேபோல் காவல் துறையினரும் ரசிகர்களுக்குள் ஏற்படும் மோதலை தவிர்க்க வேண்டும் என இரண்டு திரைப்படங்களுக்கான சிறப்பு காட்சிகளையும் ஒரே நேரத்தில் வெளியிட வேண்டாம் என கூறியுள்ளார்கள். அதன் பிறகு அஜித் நடித்திருக்கும் துணிவு திரைப்படத்தின் சிறப்பு காட்சி இரவு 1 மணிக்கும், விஜய் நடித்திருக்கும் வாரிசு திரைப்படத்தின் சிறப்பு காட்சி அதிகாலை 4 மணிக்கு திரையிட விநியோக நிறுவனங்கள் முடிவு செய்துள்ளது.
இதனை அடுத்து தங்கள் முடிவை திரையரங்கு உரிமையாளர்ளுக்கு கொடுத்துவிட்ட நிலையில் எந்தெந்த திரையரங்குகளில் வாரிசு திரைப்படம் மற்றும் துணிவு திரைப்படம் ரிலீஸ் ஆக இருக்கிறது என்பது குறித்த தகவலும் ஒவ்வொன்றாக வெளியாகி வருகிறது. இப்படிப்பட்ட நிலையில் ரசிகர்கள் மிகுந்த ஆர்வமுடன் இந்த இரண்டு திரைப்படங்களின் வெற்றியினை பார்ப்பதற்காக காத்து வருகிறார்கள்.