தமிழ் சினிமாவில் முன்னணி நடிகர்களில் ஒருவராக திகழ்ந்து வரும் நடிகர் விஜய் நடிப்பில் உருவாகியுள்ள வாரிசு திரைப்படம் வருகின்ற பொங்கல் தினத்தை முன்னிட்டு ஜனவரி 12ஆம் தேதி வெளியாக இருக்கிறது இதனால் ரசிகர்கள் மத்தியில் பெரும் எதிர்பார்ப்பு நிலவி வருகிறது.
இதனை தொடர்ந்து தற்போது போஸ்ட் ப்ரோமோஷன் பணிகளும் மிகத் தீவிரமாக நடைபெற்று வருகிறது. வாரிசு திரைப்படத்திற்காக படக்குழு ஒரு பக்கம் பிரமோஷன் செய்து வருகிறது அதே போல நடிகர் விஜய்யும் வாரிசு படத்திற்காக ரசிகர் மன்ற உறுப்பினர்களை அழைத்துப் ப்ரோமோஷன் செய்து வருகிறார்.
இதனைத் தொடர்ந்து அஜித்தின் துணிவு திரைப்படம் அதே தினத்தில் வெளியாக இருக்கிறது. இதனால் சினிமா வட்டாரத்தில் சிறிது சலசலப்பு ஏற்பட்டு வருகிறது. அதாவது இரண்டு உச்ச நட்சத்திரங்கள் படங்கள் வெளியாகிறதால் சினிமாவில் உள்ள நடிகர், நடிகைகள், இயக்குனர்கள், தயாரிப்பாளர்கள், என அனைவரையும் நெடிசன்கள் வாரிசு படத்திற்கு செல்வீர்களா அல்லது துணிவு திரைப்படத்திற்கு செல்வீர்களா என கேள்வி கேட்டு வருகின்றனர்.
அந்த அளவிற்கு தற்போது துணிவும் வாரிசும் பிரம்மாண்டமாக மோத இருக்கிறது. இதனைத் தொடர்ந்து துணிவு திரைப்படத்திலிருந்து ஃபர்ஸ்ட் சிங்கிள் பாடல் மட்டும் வெளியாகி ரசிகர்கள் மத்தியில் நல்ல வரவேற்பை பெற்று வருகிறது. இதனை தொடர்ந்து துணிவு படத்தின் இசையமைப்பாளர் ஜிப்ரான் அவர்கள் இரண்டாவது பாடலான காசேதான் கடவுளடா என தொடங்கும் பாடல் விரைவில் வெளியாக இருக்கிறதாக சமீபத்தில் ட்விட்டர் பக்கத்தில் பதிவு ஒன்றை வெளியிட்டார்.
துணிவு திரைப்படத்திலிருந்து முதல் பாடல் மட்டும் வெளியாகி இருந்த நிலையில் வாரிசு பட குழுவினர் இசை வெளியீட்டு விழாவை நடத்த ஒரு பக்கம் திட்டம் திட்டி வருகின்றனர். அந்த வகையில் வருகின்ற டிசம்பர் 30ஆம் தேதி சென்னையில் கோலாலமாக வாரிசு படத்தின் இசை வெளியீட்டு விழாவை நடத்த உள்ளதாக அதிகாரப்பூர்வ அறிவிப்பு தற்போது வெளியாகி உள்ளது.இந்த இசை வெளியீட்டு விழா சன் டிவியில் நேரடியாக ஒளிபரப்ப உள்ளது என்பது குறிப்பிடத்தக்கது.