தமிழ் சினிமாவில் முன்னணி நடிகராக வலம் வந்து கொண்டிருப்பவர் நடிகர் சூர்யா. இவர் விஜய் நடிப்பில் வெளியான நேருக்கு நேர் என்ற திரைப்படத்தில் நடித்து சினிமாவில் முதன் முதலில் அறிமுகமானார்.
அதன் பிறகு தமிழ் சினிமாவில் ஏராளமான திரைப்படங்களில் நடித்து தனக்கென ஒரு தனி இடத்தை பிடித்துள்ளார். அதுமட்டுமல்லாமல் இவருக்கென ஒரு தனி ரசிகர் பட்டாளமே இருந்து வருகிறது.
தற்போது சூர்யா அவர்கள் பாண்டியராஜ் இயக்கத்தில் உருவாகிவரும் எதற்கும் துணிந்தவன் என்ற திரைப்படத்தில் நடித்து வருகிறார். இந்த திரைப்படத்தில் டி இமான் அவர்கள் இசையமைத்துள்ளார். இத்திரைப்படத்தை சன் பிக்சர்ஸ் நிறுவனம் தயாரித்துள்ளது.
இதனிடையே தற்போது சூர்யா நடிப்பில் உருவாகி வரும் எதற்கும் துணிந்தவன் திரைப்படத்தில் மேலும் ஒரு நடிகர் இணைகிறார். ஆம் இந்த திரைப்படத்தில் நெற்றிக்கண் திரைப்படத்தில் நடித்த சரன் சக்தி அவர்கள் இணைய உள்ளதாக தகவல் வெளியாகி உள்ளது.
இவர் நெற்றிக்கண் திரைப்படத்திற்கு முன்பு வட சென்னை திரைப்படத்தில் நடித்துள்ளார் என்பது குறிப்பிடத்தக்கது. எதற்கும் துணிந்தவன் திரைப்படத்தில் சரன் சக்தி ஒரு முக்கிய கதாபாத்திரத்தில் நடிக்கிறார், இந்த திரைப்படம் வெளியே வந்தாள் இவருக்கு தமிழ் சினிமாவில் நல்ல வரவேற்பு கிடைக்கும் என கூறப்படுகிறது.
நெற்றிக்கண் திரைப்படத்தில் கதாநாயகியாக நயன்தாரா மற்றும் வில்லனாக அஜ்மல் நடித்துள்ளனர். இந்த திரைப்படம் மிக பெரிய அளவிற்கு வெற்றி தந்துள்ளது என்று தான் கூற வேண்டும். இத்திரைப் படத்தில் ஒரு முக்கிய வேடத்தில் நடித்தவர் தான் நடிகர் சரன் சக்தி. அதுமட்டுமல்லாமல் சகா, ஜில்லா,போன்ற பல திரைப்படங்களில் நடித்துள்ளார்.