நடிகர் சூர்யா தமிழ் சினிமாவில் முன்னணி நடிகர்களில் ஒருவராக வலம் வந்து கொண்டிருக்கிறார். இவரது அப்பா சிவக்குமார் பல்வேறு படங்களில் சிறந்த கதாபாத்திரங்களில் நடித்து பிரபலம் அடைந்ததன் காரணமாக சூர்யாவிற்கு மிக எளிமையாக சினிமாவில் ஆரம்பத்திலேயே ஹீரோவாக நடிக்கும் வாய்ப்பு கிடைத்துள்ளது.
அதனை நன்கு பயன்படுத்திக் கொண்டு பல படங்களில் தனது சிறந்த நடிப்பை வெளிப்படுத்தி தனக்கென ஒரு நிரந்தர ரசிகர்கள் கூட்டத்தை தக்கவைத்துக் கொண்டுள்ளார். மேலும் சூர்யாவை தொடர்ந்து அவரது தம்பி கார்த்தியும் சினிமாவில் தவிர்க்க முடியாத ஒரு ஹீரோவாக இருந்து வருகிறார் என்பது குறிப்பிடத்தக்கது.
இந்த நிலையில் நடிகர் சூர்யா அண்மைக்காலமாக தேர்ந்தெடுத்து நடிக்கும் படங்கள் பெரிதும் சமூக அக்கறை உள்ள படங்களாக இருப்பதால் அந்த படங்கள் மக்கள் மற்றும் ரசிகர்கள் மத்தியில் சென்றடைந்து நல்ல வரவேற்பை பெற்று வருகின்றன. அப்படி கடைசியாக சூர்யா நடித்த எதற்கும் துணிந்தவன் திரைப்படம் சுமாரான வரவேற்பை பெற்றது.
இந்த படத்தை தொடர்ந்து தற்போது பாலா இயக்கத்தில் வணங்கான் என்ற திரைப்படத்தில் நடித்து வருகிறார் இந்தப் படத்தில் சூர்யாவுக்கு ஜோடியாக இளம் நடிகை கீர்த்தி ஷெட்டி நடித்து உள்ளார் என்பது குறிப்பிடத்தக்கது இந்த படம் மீனவர்கள் சம்பந்தப்பட்ட ஒரு படமாக உருவாகி வருகிறது. இந்த படத்தை தொடர்ந்து அடுத்து சிறுத்தை சிவா இயக்கத்தில் ஒரு படத்தில் சூர்யா நடிக்க உள்ளார்.
மேலும் வெற்றிமாறனுடன் இணைந்து வாடிவாசல் என்னும் திரைப்படத்திலும் சூர்யா நடிக்க கமிட் ஆகி உள்ளார் என்பது குறிப்பிடத்தக்கது. இந்த நிலையில் சூர்யா நடிப்பில் வெளிவந்து அதிக வசூல் வேட்டை நடத்திய ஐந்து திரைப்படங்கள் பற்றிய தகவல்கள் வெளியாகி உள்ளன. சிங்கம் 2 – ரூபாய் 128 கோடி, சிங்கம் 3 – ரூபாய் 120 கோடி, 24 – ரூபாய் 120 கோடி, தானா சேர்ந்த கூட்டம் – ரூபாய் 102 கோடி, ஏழாம் அறிவு ரூபாய் 99 கோடி .