நாம் எப்படி புதியதை நோக்கி நகர்கிறோமோ அதுபோல சினிமா உலகமும் புதியதை நோக்கி நகர்கிறது அதற்கு ஏற்றார்போல நடிகர், நடிகைகளும் தன்னை மாற்றிக்கொண்டு பெரிய படங்களில் நடித்து வருகின்றனர் அந்த படங்களும் மிகப்பெரிய அளவில் வெற்றி பெற்று அவர்களை வளர்த்து விடுகிறது.
இதனால் இந்திய அளவில் ஒரு சில நடிகைகள் பேசப்பட்டு வருகின்றன. அண்மைகாலமாக ஹிந்தி படங்களை விட தென்னிந்திய சினிமா படங்கள் தான் இந்திய அளவில் வெற்றி பெறுகின்றன வசூல் ரீதியாகவும் அடித்து நொறுக்குகிறது. இதனால் இந்திய சினிமாவில் தென்னிந்திய சினிமாவின் பங்கு மிகப் பெரிய அளவில் இருப்பதாக கூறப்படுகிறது.
இப்படி இருக்கின்ற நிலையில் ஆர்மக்ஸ் மீடியா நிறுவனம் சினிமா உலகில் நிறைய விஷயங்களை கணக்கெடுப்பு செய்து துல்லியமான விவரங்களை சேகரித்து வெளியிடுகிறது இதன் மூலமாக மக்கள் மற்றும் ரசிககர்கள் புதிய விவரங்களை தெரிந்து கொள்கின்றனர். இந்த நிறுவனம் சிறந்த நாயகி, நாயகன், சின்னத்திரை பிரபலங்கள் என கணக்கெடுத்து வருகிறது.
இந்த நிலையில் ஏப்ரல் மாதம் 2022 – ல் டாப் நடிகைகள் யார் என்ற சர்வே எடுத்து உள்ளது இந்த சர்வேவில் தென்னிந்திய நடிகைகள் ஏழு பேரும் பாலிவுட் நடிகைகள் மூன்று பேரும் இடம் பெற்றுள்ளனர். இதோ அந்த முழு லிஸ்ட்டை விலாவாரியாக பார்ப்போம்.
சமீப காலமாக தொடர்ந்து கிளாமர் மற்றும் கதைக்கேற்றப்படி சிறந்த நடிப்பை வெளிப்படுத்தும் நடிகை சமந்தா முதல் இடத்தில் இருக்கிறார் அவரைத் தொடர்ந்து ஆலியா பட், நயன்தாரா, காஜல் அகர்வால், தீபிகா படுகோன், ராஷ்மிகா மந்தனா, அனுஷ்கா, கத்ரீனா கைஃப், கீர்த்திசுரேஷ், பூஜா ஹெக்டே போன்றவர்கள் அடுத்தடுத்த இடங்களை பிடித்துள்ளனர்.