வார இறுதி வந்தாலே கொண்டாட்டம்தான். பல பேர் நண்பர்களுடன் வெளியில் செல்வது, படம் பார்ப்பது என நேரத்தை செலவிடுவார்கள். ஆனால் வாரம் முழுதும் வேலை செய்தவர்கள் சனி ஞாயிறுகளில் ரெஸ்ட் எடுக்கலாம் என நினைப்பார்கள்.
அப்படிப்பட்டவர்கள் தூங்கிய நேரம் போக மீதி நேரங்களில் படம் வெப் சீரிஸ் என என்ஜாய் செய்யலாம். அவர்களுக்காகவே இந்த வார இறுதியில் சூப்பரான ஐந்து படங்கள் ஓடிடி தளங்களில் வெளியாகிறது.
இதில் கார்த்தி அரவிந்த்சாமி இணைந்து கலக்கி இருந்த மெய்யழகன் நாளை நெட்ஃப்லிக்ஸில் வெளியாகிறது. விஜய் ஆண்டனியின் ஹிட்லர் அமேசான் பிரைம் மற்றும் சிம்ப்ளி சவுத் ஓ டி டி தளத்தில் வெளியாகிறது.
ஹிப் ஹாப் ஆதி நடிப்பில் வெளியான கடைசி உலகப் போர் அமேசான் ப்ரைம் டென்ட் கொட்டா ஆகியவற்றில் வெளியாகிறது. அதேபோல் யோகி பாபு பிரகிடா ஆகியோர் நடிப்பில் வெளிவந்த கோழி பண்ணை செல்லதுரை படம் சிம்பிளி சவுத் ஓடிடியில் வெளியாகிறது.
மேலும் 90 காலகட்டத்தில் அனைவரையும் மிரட்டிய மர்ம தேசம் இயக்குனர் நாகா தற்போது ஐந்தாம் வேதம் என்ற வெப் தொடரை இயக்கியுள்ளார். திகில் மற்றும் திரில்லர் கலந்த இந்த சீரிஸ் நாளை ஜீ 5 ஓடிடியில் வெளியாகிறது.
இப்படியாக இந்த ஐந்து தமிழ் படங்கள் வார இறுதியில் ரசிகர்களை மகிழ்விக்க வருகிறது. இதில் மெய்யழகன் படத்தை தியேட்டரில் பார்க்காதவர்கள் ஆர்வத்துடன் தற்போது காத்திருக்கின்றனர்.