தமிழ் சினிமாவில் இயக்குனராக வலம் வந்து கொண்டிருப்பவர் தான் இயக்குனர் லோகேஷ் கனகராஜ் இவ்வாறு பிரபலமான நமது இயக்குனர் சமீபத்தில் தளபதி விஜயை வைத்து மாஸ்டர் என்ற திரைப்படத்தை இயக்கி மாபெரும் வெற்றி கண்டுள்ளார்.
இந்நிலையில் இந்த திரைப்படத்தை தொடர்ந்து உலக நாயகன் கமலஹாசனை வைத்து விக்ரம் என்ற திரைப்படத்தை இயக்கி முடித்துள்ளார் இந்த திரைப்படத்தில் முக்கிய கதாபாத்திரத்தில் விஜய் சேதுபதி பகத் பாசில் போன்றவர்கள் நடித்துள்ளார்கள்.
மேலும் இந்த திரைப்படத்தின் படப்பிடிப்பு ஆனது முழுமையாக முடிவடைந்த நிலையில் தற்போது ரிலீஸுக்காக காத்துக் கொண்டிருக்கிறது அந்த வகையில் இந்த திரைப்படம் வருகின்ற ஜூன் மாதம் உலகமெங்கும் திரையிடப்படும் என படக்குழுவினர் தெரிவித்துள்ளார்கள்.
சமீபத்தில்தான் இந்த திரைப்படத்தின் பாடல் டிரைலர் ரசிகர்களின் எதிர்பார்ப்பை தூண்டியது மட்டுமில்லாமல் தற்போது இந்த திரைப் படத்திற்கான பிரமோஷன் நிகழ்ச்சிகளில் படக்குழுவினர்கள் மிகத் தீவிரமாக இறங்கி உள்ளார்கள்.இந்நிலையில் லோகேஷ் கனகராஜ் அவர்கள் விக்ரம் திரைப்படம் பற்றி யூடியூப் சேனல் ஒன்றில் பேட்டி கொடுத்துள்ளார்.
அந்த வகையில் அவரிடம் முன்பு நீங்கள் இயக்கிய திரைப்படத்தில் ஏதேனும் மாற்றம் செய்தால் நன்றாக இருக்கும் என நினைத்தது உண்டா என கேள்வி எழுப்பப்பட்டது அதற்கு லோகேஷ் கனகராஜ் விக்ரம் திரைப்படத்திற்கு முன்பாக மூன்று திரைப்படங்களை இயக்கி உள்ளேன் அதில் சில மாற்றம் செய்தால் நன்றாக இருக்கும் என்று நான் நினைக்கிறேன் என்று தெரிவித்துள்ளார்.
அந்த வகையில் மாநகரம் திரைப்படம் இயக்குவதற்கு முன்பாக வேறு ஏதேனும் டைரக்டரிடம் உதவி இயக்குனராக பணிபுரிந்த இருக்கலாம் என்று நினைத்தேன் ஏனெனில் இன்னும் திரைப்படத்தை நன்றாக காட்டியிருக்கலாம். அதேபோல கைதி திரைப்படம் வெளிவந்த பொழுது இன்னும் கொஞ்சம் ஆக்ஷன் காட்சிகள் வைத்திருந்தால் மிகவும் பிரமாண்டமாக இருந்திருக்கும் என்று கூறினார்.
அதேபோல விஜய்யின் மாஸ்டர் திரைப்படத்தில் கூட இரண்டாவது பாதியில் காட்சிகள் கொஞ்சம் சரியாக அமையவில்லை என்று கூறியுள்ளார். ஆகையால் கதை எழுதும் நேரத்தை இன்னும் கொஞ்சம் அதிகப் படுத்தி இருந்தால் படம் இன்னும் நன்றாகவே அமைந்திருக்கும் என லோகேஷ் கனகராஜ் தெரிவித்துள்ளார்.
ஆனால் சமீபத்தில் இயக்கி உள்ள விக்ரம் திரைப்படமானது எனக்கு எல்லா வகையிலும் திருப்தியைக் கொடுத்தது மட்டும் இல்லாமல் மகிழ்ச்சியாகவும் இருக்கிறது.ஆனால் பத்து வருடங்களுக்கு பிறகாக இதில் ஏதேனும் மாற்றம் செய்யலாம் என தோன்ற வாய்ப்பு இருக்கு ஆனால் தற்போது உள்ள ரசிகர்களுக்கு இந்த திரைப்படம் எதிர்பார்த்த அளவிற்கு மிகவும் சரியான கதை அம்சம் கொண்ட திரைப்படமாகும்.