நடிகர் ரஜினிகாந்த் நடிப்பில் வெளியாகி ஹிட் கொடுத்த திரைப்படங்களின் தலைப்பை தற்போது உள்ள முன்னணி நடிகர்கள் தனது படத்தில் வைத்து அழகு பார்த்து வருகின்றனர். அந்த வகையில் ரஜினி பட தலைப்பை கைப்பற்றிய திரைப்படங்களைப் பற்றி தான் தற்போது நாம் பார்க்க வருகிறோம்.
வேலைக்காரன்:- 1987 ஆம் ஆண்டு ரஜினிக்கு மிகப்பெரிய ஹிட் கொடுத்த திரைப்படம் தான் வேலைக்காரன். இந்த படத்தின் டைட்டிலை சிவகார்த்திகேயன் கைப்பற்றியுள்ளார். 2017 ஆம் ஆண்டு மோகன் ராஜா இயக்கத்தில் சிவகார்த்திகேயன், நயன்தாரா, பகத் பாசில் நடித்துள்ள படத்திற்கு வேலைக்காரன் என பெயரிட்டுள்ளனர் இந்த படம் ஓரளவு ரசிகர்களிடம் நல்ல விமர்சனங்களை பெற்றது..
பில்லா:- ரஜினி நடிப்பில் மிகப்பெரிய வெற்றி பெற்ற திரைப்படம் தான் பில்லா இந்த திரைப்படத்தின் டைட்டிலை நடிகர் அஜித்குமார் கைப்பற்றியுள்ளார். தலைப்பு மட்டுமல்லாமல் கதையும் அதே கதை தான் ஆனால் அஜித்திற்கு ஏற்ற மாதிரி கதையை சிறிது மாற்றி உள்ளனர். இந்த படம் வெளியாகி மிகப்பெரிய அளவில் அஜித்திற்கு வெற்றி கொடுத்தது.
நான் மகான் அல்ல:- இந்தத் திரைப்படத்தின் தலைப்பை நடிகர் கார்த்திக் கைப்பற்றியுள்ளார். நடிகர் கார்த்தியை ஆக்சன் ஹீரோவாக மாற்றிய திரைப்படம் என்று கூட சொல்லலாம். கார்த்திக்கு ஜோடியாக காஜல் அகர்வால் நடித்துள்ளார். மேலும் இந்த திரைப்படமும் வெளியாகி நல்ல வரவேற்பை பெற்றது.
நான் சிகப்பு மனிதன் :- ரஜினி சூப்பர் ஹிட் திரைப்படத்தில் இந்த திரைப்படமும் ஒன்று. இந்த திரைப்படத்தின் டைட்டிலில் விஷால் நடித்துள்ளார். ஆனால் இந்த திரைப்படம் மிகப்பெரிய தோல்வியை சந்தித்தது டைட்டிலுக்கும் கதைக்கும் சம்பந்தமே இல்லை என்று பலர் தெரிவித்திருந்தனர்.
மனிதன்:- ரஜினி நடித்த மனிதன் படத்தில் உதயநிதி ஸ்டாலின் அவர்கள் வழக்கறிஞர் கதாபாத்திரத்தில் நடித்த படத்திற்கு மனிதன் என்று தலைப்பு வைத்திருப்பார். இந்தத் திரைப்படம் உதயநிதி அவர்களுக்கு ஒரு திருப்புமுறனை திரைப்படமாக அமைந்தது.
மேலும் கழுகு, தீ, தில்லு முல்லு, விடுதலை, பொல்லாதவன், மாப்பிள்ளை, மாவீரன் போன்ற ரஜினியின் திரைப்படங்களின் தலைப்பை தற்போது உள்ள நடிகர்கள் அவரவர் படத்தில் தலைப்பாக வைத்து உள்ளனர்.