தமிழ் சினிமாவில் தொடர்ந்து முன்னணி நடிகராக வலம் வந்து கொண்டிருப்பவர் நடிகர் தல அஜித். இவர் நடிப்பில் தற்போது வலிமை திரைப்படம் உருவாகி வருகிறது. இப்படத்தை பற்றி எந்த அப்டேட்டும் வெளிவராத காரணத்தால் ரசிகர்கள் வலிமை திரைப்படத்தின் அப்டேட்டுக்காக மிகவும் போராடி வருகிறார்கள்.
இந்நிலையில் ரசிகர்கள் தொடர்ந்து அஜித்தைப் பற்றிய சுவாரசியமான பல விஷயங்களை இணையதளத்தில் வெளியிட்டு வருகிறார்கள்.
அந்தவகையில் அஜித்தும் சினிமா துறையையும் தாண்டி பைக் ரேஸ், துப்பாக்கி சுடுதல்,ஏரோ மாடலிங்,போட்டோகிராபி, சமையல் போன்ற பல விஷயங்களில் அஜித் ஆர்வம் காட்டி வருகிறார்.
அந்த வகையில் ரசிகர்களுக்கு அஜித்திடம் பிடித்த ஐந்து விஷயங்கள் தற்போது இணையதளத்தில் வைரலாக்கி வருகிறார்கள்.அது என்னென்னவென்று தற்போது காண்போம்.
துப்பாக்கி சுடுதல் : இவர் ஏற்கனவே துப்பாக்கி சுடுதல் போட்டியில் பங்குபெற்று வென்றார் என்பது நாம் அறிந்த ஒன்றுதான். இதனைத் தொடர்ந்து தற்போது தேசிய அளவிலான துப்பாக்கி சுடுதல் கலந்துகொள்ள உள்ளாராம். எனவே அதற்காக பயிற்சிகள் எடுத்து வருகிறார். இவர் 2019ஆம் ஆண்டு நடைபெற்ற தேசிய அளவிலான துப்பாக்கி சுடுதல் போட்டியில் இரு பிரிவுகளில் முறையே 9 மற்றும் 12வது ரேங்க் பெற்றுள்ளார்.
தீவிரப் பைக் ரேசர்: அஜித் பைக் ரேசில் பின்னி பெடல் இருப்பார் என்பது நாம் அறிந்த ஒன்று தான். இவர் ரேஸ் செய்யும் பல காட்சிகள் இணையதளத்தில் அவ்வப்பொழுது வந்து கொண்டேதான் இருக்கிறது.அதுமட்டுமல்லாமல் வீரம் பட ஷூட்டிங்கின் போது பூனேவில் இருந்து சென்னை வரை பைக்கிலேயே வந்தார் என்ற தகவல் வைரலானது. இதனைத் தொடர்ந்து தற்பொழுது சமீபத்தில் சென்னையில் இருந்து அயோத்திக்கு இடையேயான 10,000 கிலோ மீட்டர் வரை பைக்கில் சென்றுள்ளார்.
ஏரோ மாடலிங்: ஏரோ மாடலிங் பயிற்சிக்காக அவர் வெளிநாடுகளுக்குச் சென்று நிறைய விஷயங்களை கற்று வருகிறார். சில மாதங்களுக்கு முன்பு கூட அஜித் மாணவர்களுடன் சோதனை செய்யும் வீடியோ இணையதளத்தில் வைரலானது. எனவே அஜித்தின் ரசிகர்கள் பலருக்கு ஏரோ மாடலிங் மீது ஆர்வம் வந்துள்ளது.
போட்டோகிராபி : இவருக்கு போட்டோகிராஃபி மீது அதிக ஆர்வம் வந்ததற்கு முதற் காரணம் தீனா படத்தில் அஜித் நடித்துக்கொண்டிருக்கும் போது அரவிந்த் அஜித்திற்கு பரிசாக கொடுத்த கேமரா தான். இந்த கேமராவை வைத்து பல புகைப்படங்கள் எடுத்து போட்டோகிராபராக மாறினார். அந்த வகையில் முன்னணி நடிகைகளான ஸ்ருதிஹாசன், பார்வதி நாயர்,கபீர் துகன் உள்ளிட்டோரையும் அஜித் போட்டோ எடுத்துள்ளார்.
சமையல்: அஜித்துக்கு பலவகையான உணவுகள் சமைக்க தெரியும் அதுவும் முக்கியமாக பிரியாணி மிகவும் அருமையாக செய்வாராம் இவருக்கு எப்படி நடிப்பில் தீவிர ரசிகர்கள் இருந்து வருகிறோமோ அதுபோல இவர் பிரியாணிக்கென்று நடிகர்கள் பலர் ரசிகர்களாக இருந்து வருகிறார்களாம். அதில் வேதாளம் படத்தில் நடித்துக் கொண்டிருக்கும் பொழுது பேட்டி ஒன்றில் ராகுல் தேவ் நான் வட இந்தியாவைச் சேர்ந்தவன் என்பதால் எனக்கு பிரியாணி பற்றி நன்றாக தெரியும். ஆனால் அஜித் சார் செய்த பிரியாணி வேற லெவல் மிகவும் சுவையா இருந்தது இதுவரையிலும் நான் இப்படி ஒரு பிரியாணியை சாப்பிட்டதே இல்லை என்று கூறியிருந்தார்.
