தமிழ் சினிமாவில் உச்ச நட்சத்திரமாக விளங்குபவர் நடிகர் விஜய் இவர் தற்போது வம்சி இயக்கத்தில் வாரிசு திரைப்படத்தில் நடித்து வருகிறார். மேலும் இந்த திரைப்படத்தை பார்க்க ஆவலுடன் காத்து உள்ளனர் விஜயின் ரசிகர்கள். இந்த திரைப்படத்திற்கு இசையமைப்பாளர் தமிழ் அவர்கள் இசையமைத்து வருகிறார். வாரிசு திரைப்படத்தில் விஜய்க்கு ஜோடியாக ராஷ்மிகா மந்தனா நடித்து வருகிறார்.
மேலும் வாரிசு திரைப்படத்தில் பிரகாஷ்ராஜ், சரத்குமார், பிரபு, யோகி பாபு, சம்யுக்தா, ஷாம், ஆகிய திரை பிரபலங்கள் இந்த படத்தில் முக்கிய கதாபாத்திரத்தில் நடித்து வருகின்றனர். பின்னர் இந்த திரைப்படத்திற்கான படப்பிடிப்பு தற்போது ஹைதராபாத்தில் நடைபெற்று வருகிறது.
இந்த நிலையில் படப்பிடிப்பு தொடங்கியதில் இருந்து படப்பிடிப்பு தளத்திலிருந்து எடுக்கப்படும் சில புகைப்படங்கள் மற்றும் வீடியோக்கள் இணையத்தில் வெளியாகி கொண்டே இருந்து வருகிறது. அந்த வகையில் நேற்று கூட விஜய் மற்றும் ராஷ்மிகா மந்தனா இருவரும் இருக்கும் புகைப்படம் ஒன்று இணையத்தில் வெளியாகி வைரலானது. இதைத் தொடர்ந்து இவர்கள் இருவரும் நடனமாடும் ஒரு வீடியோ இணையத்தில் வெளியாகி அதுவும் வைரலாகி வருகிறது.
விஜயின் ரசிகர்கள் யாரும் எந்த வீடியோவையும் புகைப்படத்தையும் பகிர வேண்டாம் என சமுக வலைதள பக்கங்களில் கூறி வருகிறார்கள். அதுமட்டுமல்லாமல் தயாரிப்பு நிறுவனமான ஸ்ரீ வெங்கடேஸ்வரா கிரியேஷனுக்கு எதிராக ட்விட்டரில் #IrrerponsibesSVCproduction என்ற ஹாஸ்டேக் பதிவிட்டு அதை ட்ரென்ட் செய்தும் வருகின்றனர்.
எதற்காக இப்படி செய்கிறார்கள் என்றால் விஜய்யின் படங்களின் படப்பிடிப்பு நடக்கிறது என்றாலே புகைப்படங்கள் மற்றும் வீடியோக்கள் லீக் ஆகாமல் இருக்க இந்த படத்தின் தயாரிப்பு நிறுவனம் எச்சரிக்கையாக இருப்பது அவசியம் என்றும் இது அவர்களுடைய கடமை என்றும் அவர்கள் கூறியுள்ளனர். தற்போது வாரிசு பட வீடியோ லீக் ஆனதால் விஜய் ரசிகர்கள் தற்போது தயாரிப்பு நிறுவனத்தின் மீது செம கடுப்பில் உள்ளார்கள்.