தமிழ் சினிமாவில் முன்னணி இயக்குனர்களில் ஒருவராக திகழ்ந்து வருபவர் இயக்குனர் மணிரத்தினம் இவர் கல்கியின் நாவலான பொன்னின் செல்வன் நாவலை தழுவி அதே பெயரில் உருவாக்கப்பட்ட திரைப்படமான பொன்னியின் செல்வன் திரைப்படம் கடந்த ஆண்டு வெளியாகி மிகப்பெரிய அளவில் வெற்றி பெற்று 500 கோடி வசூலை வாரி குவித்தது.
இரண்டு பாகங்களாக உருவாக்கி உள்ள பொன்னியின் செல்வன் முதல் பாகம் படமாக்கப்பட்ட உடனே இரண்டாவது பாகமும் படமாக்கப்பட்டது. முதல் பாகம் கடந்த ஆண்டு வெளியான நிலையில் இரண்டாவது பாகம் வருகின்ற ஏப்ரல் 28ஆம் தேதி வெளியாக இருப்பதாக அதிகாரப்பூர்வ அறிவிப்பை படக்குழு வெளியிட்டிருந்தது.
மேலும் இந்த திரைப்படத்தில் திரிஷா, கார்த்தி, ஜெயம் ரவி, விக்ரம், பார்த்திபன், விக்ரம் பிரபு, பிரகாஷ் ராஜ், சரத்குமார், ஐஸ்வர்யா ராய், உள்ளிட்ட பல முன்னணி நட்சத்திர பட்டாளங்கள் நடித்துள்ளனர். இரண்டாவது பாகத்திலும் இவர்கள்தான் நடித்துள்ளார்கள் என்பது குறிப்பிடத்தக்கது.
இதனைத் தொடர்ந்து இரண்டாவது பாகத்தில் ஃபர்ஸ்ட் சிங்கிள் பாடல் சமீபத்தில் வெளியாகி ரசிகர்கள் மத்தியில் நல்ல வரவேற்பை பெற்றது. அதற்கு முன்பாக கார்த்தி மற்றும் திரிஷா இருவரும் இருக்கக்கூடிய போஸ்டர் ஒன்றை படகுழு வெளியிட்டு இருந்தது. இந்த நிலையில் தற்போது படகுழு போஸ்ட் புரொடக்ஷன் பணிகளிலும் பிரமோஷன் பணிகளிலும் மிக தீவிரமாக இறங்கி வேலை செய்து வருகிறது.
அதன் பிறகு எந்த ஒரு அப்டேட்டும் வெளியாகாமல் இருந்து வந்த நிலையில் பொன்னியின் செல்வன் டிரைலர் எப்போது வெளியாகும் என ரசிகர்கள் பலரும் பல விதமாக கேள்வி எழுப்ப ஆரம்பித்தனர். இந்த நிலையில் தற்போது பொன்னியின் செல்வன் இரண்டாவது பாகத்தில் டிரைலர் குறித்த அதிகாரப்பூர்வ அப்டேட்டை வெளியிட்டு இருக்கிறது.
அதாவது பொன்னியின் செல்வன் இரண்டாவது பாகத்தின் ட்ரைலர் வருகின்ற மார்ச் 29ஆம் தேதி வெளியாகும் என படகுழு தற்போது அதிகாரப்பூர்வ அறிவிப்புடன் வெளியிட்டு இருக்கிறது. இதனால் ரசிகர்கள் மிகுந்த உற்சாகத்தில் இருப்பதாகவும் கூறப்படுகிறது.
