தமிழ் சினிமாவில் வசூல் மன்னனாக வலம் வரும் தளபதி. இவர் அண்மை காலமாக நடிக்கும் படங்கள் ஒவ்வொன்றும் மிகப்பெரிய வெற்றியை பதிவு செய்கிறது. இன்னொரு வெற்றியை கொடுக்க இப்போ விஜய் தனது 66-வது திரைப்படமான வாரிசு திரைப்படத்தில் வெற்றிகரமாக நடித்து முடித்துள்ளார்.
இந்த படத்தை வம்சி தனது ஸ்டைலில் எடுத்துள்ளார் மிக பிரம்மாண்ட பொருள் செலவில் தில் ராஜூ படத்தை தயாரித்துள்ளார். விஜயின் வாரிசு திரைப்படம் முழுக்க முழுக்க ஒரு குடும்ப செண்டிமெண்ட் கதை என ஏற்கனவே சொல்லப்பட்டது மேலும் இந்த படத்தில் விஜய் மிக பெரிய ஒரு பணக்காரராக நடித்துள்ளார் எனவும் கூறப்பட்டது.
வாரிசு படத்தில் அவருடன் இணைந்து ராஷ்மிகா மந்தனா, ஜெயசுதா, பிரபு, சரத்குமார் பிரகாஷ்ராஜ் என மிகப் பெரிய ஒரு நட்சத்திர பட்டாளமே நடித்துள்ளது. வாரிசு படம் அடுத்த வருடம் பொங்கலை முன்னிட்டு கோலாகலமாக ரிலீஸ் ஆக இருக்கிறது. இந்த படத்தை எதிர்த்து அஜித்தின் துணிவு திரைப்படம் ரிலீஸ் ஆகிறது என்பது குறிபிடத்தக்கது.
இப்படி இருக்கின்ற நிலையில் வாரிசு திரைப்படத்தின் கதை இதுதான் என சொல்லப்பட்டு இணையதள பக்கத்தில் ஒரு செய்தி வைரல் ஆகி வருகிறது அது குறித்து விலாவாரியாக பார்ப்போம்.. கவலை இல்லாமல் வாழ்ந்து வரும் இளைஞர் தான் தளபதி விஜய்.. ஆனால் திடீரென விஜய்யின் வாழ்க்கையில் அனைத்தும் மாறுகிறது.
அவருடைய வளர்ப்பு தந்தை மரணம் அடைகிறார் இதனால் அவருடைய கோடிக்கணக்கான தொழிலை ஒரு மகனாக எடுத்து அதில் வரும் எதிர்ப்புகளை எப்படி விஜய் எதிர்கொள்கிறார் என்பது தான் வாரிசு படத்தின் கதை என இணையதள பக்கத்தில் ஒரு செய்தி உலா வருகிறது. இந்த தகவலையும் தளபதி ரசிகர்கள் இணையதள பக்கத்தில் வெளியிட்டு கொண்டாடி வருகின்றனர்.