தமிழ் சினிமா உலகில் பல வெற்றி தோல்வி படங்களை கொடுத்தவர் சூப்பர் ஸ்டார் ரஜினிகாந்த் இவர் திரை உலகில் 40 வருடங்களுக்கு மேலாக நடித்து வருகிறார். இப்பொழுதும் தனது சினிமா பயணத்தின் மீது ரொம்ப ஆர்வம் கொண்டு வருடத்திற்கு ஒரு படத்தில் நடித்து அசத்தி வருகிறார்.
அந்த வகையில் தனது 169 ஆவது திரைப்படமான ஜெயிலர் படத்தில் விறுவிறுப்பாக ரஜினி நடித்து வருகிறார். இதனை தொடர்ந்து 170 வது திரைப்படத்திலும் நடிக்க இருக்கிறார் என்பது குறிப்பிடத்தக்கது ரஜினி திறமையானவர்களை எப்பொழுதும் மதிக்க கூடியவர். அந்த வகையில் தமிழ் சினிமா உலகில் ஒரு காலகட்டத்தில் கொடி கட்டி பறந்த தயாரிப்பு நிறுவனம் ஏவிஎம்.
இந்த நிறுவனத்திற்கு ரஜினி பல்வேறு படங்களில் நடித்துள்ளார் என்பது குறிப்பிடத்தக்கது. அந்த வகையில் எஸ்பி முத்துராமன் இயக்கத்தில் ரஜினி நடிப்பில் வெளியான திரைப்படம் மனிதன் இந்த படத்தில் மனிதன் மனிதன் பாடல் எப்படி படத்தின் டைட்டில் பாடலானது என்பது குறித்து தற்பொழுது தகவல் கிடைத்துள்ளது அது குறித்து விலாவாரியாக பார்ப்போம்.
ஒரு நாள் ரஜினி ஸ்டுடியோக்கு அருகில் உள்ள ஒரு அறையில் குளித்துக் கொண்டிருந்தார் அப்பொழுது எஸ்.பி முத்துராமன் சார் அருகில் இருந்த ரூமில் ஒரு பாடல் போட்டார். அந்த சத்தம் வெளிவந்தது அந்த பாடல் தான் மனிதன் மனிதன் பாடல். ரஜினி அந்த பாடலை கேட்டு வெளியே வந்ததும் பாடலை பாராட்டினார் ஆனால் எஸ் பி முத்துராமன் சார் இந்த பாடலை உங்கள் படத்தில் வைக்க ஏதுவான காட்சிகள் இல்லாததால் வைக்கவில்லை என தெரிவித்துள்ளார்.
உடனே ரஜினி சார் இதில் நல்ல வரிகள் இருக்கிறது இந்த பாடலை மிஸ் பண்ண எப்படி முடியும் எனக் கேட்க வேறு வழி இன்றி எஸ்பி முத்துராமன் மனிதன் படத்தின் டைட்டில் கார்டிலேயே இந்த பாடலை ரஜினி பாடுவது போல ரெடி செய்தனர் ஒரு வழியாக அந்த படத்தில் இடம்பெற்றுள்ள இந்த பாடல் தற்போதும் ரசிகர்களுக்கு பேவரட் பாடல் என்பது குறிப்பிடத்தக்கது.