பிரமாண்ட பட்ஜெட்டில் ஒரு படத்தை இயக்க முன்னணி இயக்குனர்கள் சிறந்த கதை அம்சத்தை வைத்திருந்தாலும் அதை எப்படி எடுக்க வேண்டும் என்பதை தெரிந்து கொள்ளாமல் அல்லாடுவது வழக்கம் ஆனால் அதை மிக சாதாரணமாக செய்து வருபவர்தான் இயக்குனர் ஷங்கர்.
தனது சினிமா பயணத்தை தொடங்கிய நாளில் இருந்து தற்பொழுது வரையிலும் மிகப்பெரிய பட்ஜெட் படங்களை எடுத்து அதில் லாபம் பார்த்து வரும் ஷங்கருக்கு தற்போது இந்திய அளவில் உள்ள சிறந்த இயக்குனர்கள் லிஸ்டில் இவரும் இருந்து வருகிறார்.
அந்த அளவிற்கு சிறப்பான படங்களை தமிழ் சினிமாவிற்கு கொடுத்துள்ளார். குறைந்த திரைப்படங்களில் எடுத்திருந்தாலும் அந்த திரைப்படங்கள் ஒவ்வொன்றும் மாபெரும் வெற்றியை பெற்று உள்ளதால் தற்போது ஷங்கரின் படத்தில் நடிக்க பலரும் கியூ கட்டி நிற்கின்றனர்.
இயக்குனர் சங்கர் படத்தின் கதைக்கு ஏற்றவாறு நடிகர்களை தேர்வு செய்வது வழக்கம். அந்த வகையில் இயக்குனர் ஷங்கர் ஜீன்ஸ் திரைப்படத்திற்காக கதைக்கு ஏற்றவாறு ஒவ்வொரு நபரையும் தேர்வு செய்தார் ஐஸ்வர்யா ராய், நாசர், செந்தில், ராதிகா போன்ற பல பிரபலங்கள் நடித்து இருந்தாலும் ஹீரோவாக பிரசாந்த் நடிப்பதற்கு முன்பாக அந்த கதைக்கு மிகப்பொருத்தமாக அஜித் தான் இருப்பார் என சங்கர் கணக்கு போட்டார்.
கிடைத்த வாய்ப்பை அஜித் சில காரணங்களால் தவறவிட அதன் பிறகுதான் அந்த கதைக்கு பிரசாந்த் பொருத்தம் ஆகிப் போனார் படம் வெளிவந்து சூப்பர் டூப்பர் ஹிட்டடித்தது நாம் அனைவரும் அறிந்ததே இந்த படத்தில் அஜீத் நடித்து இருந்தால் அவரது கேரியர் இன்னும் சிறப்பாக இருந்திருக்கும் என பலரும் தற்போது கூறிக்கொண்டு வருகின்றனர்.