தமிழ் சினிமாவில் ஒரு சில திரைப்படங்களை இயக்கி தற்போது முன்னணி இயக்குனராக வலம் வந்து கொண்டிருக்கிறார் இயக்குனர் லோகேஷ் கனகராஜ். இவர் இயக்கிய மாநகரம், மாஸ்டர், விக்ரம் ஆகிய திரைப்படங்கள் மிகப்பெரிய அளவில் வெற்றி பெற்றது. மேலும் தனது திரை பயணத்தில் தோல்வி படங்களை கொடுக்காத இயக்குனராகவும் வந்து கொண்டிருக்கிறார்.
விக்ரம் திரைப்படத்தை தொடர்ந்து அடுத்ததாக தளபதி 67 திரைப்படத்தில் விஜயுடன் இணைய உள்ளார். விஜய் தற்போது வம்சி இயக்கத்தில் வாரிசு திரைப்படத்தில் நடித்த வருகிறார் இது ஒரு குடும்ப செண்டிமெண்ட் திரைப்படமாக உருவாகி வருகிறது.
தளபதி 67 திரைப்படத்தின் அப்டேட் அடிக்கடி வெளியாகி கொண்டே இருக்கிறது அந்த வகையில் சமீபத்தில் தளபதி 67 திரைப்படத்தில் வில்லனாக அர்ஜுன் நடிக்க உள்ளதாக தகவல் வெளியாகி உள்ளது.
நடிகர் அர்ஜுனை மாஸ்டர் திரைப்படத்தில் வில்லனாக நடிக்க லோகேஷ் கனகராஜ் கேட்டுள்ளார் அதற்கு அர்ஜுன் அவர்கள் விஜயுடன் நிறைய அடி வாங்குவது போல் காட்சிகள் இருப்பதால் இந்த படத்தில் நடிக்கவில்லை என மறுப்பு தெரிவித்து விட்டாராம். அதன் பிறகு தற்போது தளபதி 67 திரைப்படத்தில் அவர் வில்லனாக நடிக்க உள்ளதாக கூறப்படுகிறது.
இந்த நிலையில் இந்த திரைப்படத்தில் மேலும் ஒரு இயக்குனர் வில்லனாக நடிக்கிறார் என தற்போது தகவல் ஒன்று வெளியாகியுள்ளது. தமிழ் சினிமாவில் பல வெற்றி படங்களை இயக்கிய கௌதம் மேனன் அவர்கள் வில்லன் கதாபாத்திரத்தில் நடிக்க உள்ளதாக சமீபத்தில் தகவல் ஒன்று வெளியாகியுள்ளது. இதனால் தளபதி 67 திரைப்படத்தின் மேல் உள்ள எதிர்பார்ப்பும் ரசிகர் மத்தியில் அதிகரித்துள்ளது என்று தான் சொல்ல வேண்டும்.