தமிழ் சினிமாவில் முன்னணி நட்சத்திரங்களில் ஒருவராக திகழ்ந்து வருபவர் நடிகர் விஜய் இவர் தற்பொழுது தெலுங்கு பட இயக்குனரான வம்சி இயக்கத்தில் வாரிசு திரைப்படத்தில் நடித்து முடித்துள்ளார். இந்தத் திரைப்படம் அடுத்த ஆண்டு பொங்கலை முன்னிட்டு அதாவது ஜனவரி 12ஆம் தேதி வெளியாக உள்ளது. இதனால் ரசிகர்கள் மத்தியில் வாரிசு திரைப்படம் குறித்து எதிர்பார்ப்பு அதிகரித்து உள்ளது.
வாரிசு திரைப்படத்தை தொடர்ந்து நடிகர் விஜய் அடுத்ததாக தளபதி 67 திரைப்படத்தில் நடிக்க கமிட் ஆகியுள்ளார். இயக்குனர் லோகேஷ் கனகராஜ் இயக்கம் தளபதி 67 திரைப்படத்தில் இரண்டாவது முறையாக விஜய் கூட்டணியில் இணைந்துள்ளார். ஏற்கனவே விஜய்யை வைத்து மாஸ்டர் என்ற பிளாக்பஸ்டர் ஹிட் கொடுத்துள்ளார் இயக்குனர் லோகேஷ் கனகராஜ்.
இதனைத் தொடர்ந்து தற்போது தளபதி 67 திரைப்படத்தின் பூஜை போடப்பட்ட நிலையில் படப்பிடிப்பு இந்த வாரத்தில் தொடங்கலாம் என தகவல் வெளியாகியிருக்கிறது. மேலும் தளபதி 67 திரைப்படத்தில் அர்ஜுன், சஞ்சய் தத், பிரித்திவிராஜ், விஷால், ஆகியோர் நடிக்கிறார்கள் என்று ஒரு சில தினங்களுக்கு முன்பு தகவல் வெளியாகியிருக்கிறது.
மேலும் தளபதி 67 திரைப்படத்தில் விஜய்க்கு ஜோடியாக நடிகை திரிஷா அவர்கள் நடிக்க உள்ளதாக தகவல் வெளியாகி இருக்கிறது. இந்த நிலையில் தளபதி 67 திரைப்படத்தில் பிரபல இயக்குனர் ஒருவர் நடிக்க உள்ளார் என்ற தகவல் கிட்டதட்ட உறுதியாகிவிட்டது. தமிழ் சினிமாவில் சித்திரம் பேசுதடி என்ற திரைப்படத்தின் மூலம் அறிமுகமானவர்தான் இயக்குனர் மிஷ்கின்.
இவர் பல திரைப்படங்களை இயக்கியுள்ளார் அதேபோல சில திரைப்படங்களில் நடித்துள்ளார் என்பது குறிப்பிடத்தக்கது. இதனை தொடர்ந்து இயக்குனர் மிஸ்கின் அவர்கள் தளபதி 67 திரைப்படத்தில் நடிக்கிறார் என்ற தகவல் கிட்டத்தட்ட உறுதியாகிவிட்டது. ஆனால் அவர் எந்த கதாபாத்திரத்தில் நடிக்கிறார் என்று இன்னும் எந்த ஒரு தகவலும் வெளியாகவில்லை.
இந்த நிலையில் ஊடகம் ஒன்றிற்கு பேட்டி அளித்த இயக்குனர் மிஷ்கின் அவர் கூறுகையில் ஒரு பெரிய படத்தில் தான் கமிட் ஆகி விட்டதாகவும் அதுமட்டுமல்லாமல் அது ஒரு பெரிய பட்ஜெட் திரைப்படம் என்பதால் அந்த திரைப்படத்தை என்னால் நிராகரிக்க முடியவில்லை என்று கூறியுள்ளார் அதுமட்டுமல்லாமல் அந்த திரைப்படத்திற்காக தான் தற்போது மீசை, தாடி வளர்த்து வருவதாகவும் கூறியுள்ளார்.
இவருடைய அந்த கெட்டப் தளபதி 67 திரைப்படத்தில் வில்லன் கதாபாத்திரமாக தான் இருக்கும் என பலரும் கூறி வருகின்றனர். விரைவில் தளபதி 67 திரைப்படத்தின் அப்டேட் குறித்து பட குழு வெளியிடும் என எதிர்பார்க்கின்றனர். தளபதி 67 திரைப்படம் 2023 ஆம் ஆண்டு தீபாவளியை முன்னிட்டு வெளியாகலாம் என எதிர்பார்க்கப்படுகிறது.