ஹாலிவுட் ஸ்டைலில் மிரட்டி உள்ள தமிழ் படம் தான் துணிவு.! சிஎஸ்கே வீரர் அதிரடி ட்வீட்..

நடிகர் அஜித் நடிப்பில் வெளியாகி தற்பொழுது மிகவும் வெற்றிகரமாக ஒளிபரப்பாகி வரும் திரைப்படம் தான் துணிவு.  எச்.வினோத் இயக்கத்தில், போனி கபூர் தயாரிப்பில், நடிகர் அஜித்தின் நடிப்பில் மூன்றாவது முறையாக இவர்களுடைய கூட்டணியில் வெளிவந்து தற்பொழுது வெற்றி நடை போட்டு வருகிறது துணிவு படம்.

இந்த படம் பொங்கல் பண்டிகையை முன்னிட்டு கடந்த ஜனவரி 11ஆம் தேதி அன்று வெளியான நிலையில் இந்தப் படத்தினை தமிழகத்தில் ரிலீஸ் செய்வதற்கான உரிமத்தை உதயநிதி ரெட் ஜெயன்ட் மூவிஸ் நிறுவனம் கைப்பற்றியது. அந்த வகையில் தமிழக முழுவதும் 50 சதவீத திரையரங்குகளில் ஒளிபரப்பான நிலையில் வெளிநாட்டில் ஒட்டுமொத்தமாக வெளியிடுவதற்கான உரிமத்தை லைக்கா நிறுவனம் கைப்பற்றி உலகம் முழுவதும் ரிலீஸ் செய்தது.

வசூல் ரீதியாகவும், விமர்சன ரீதியாகவும் துணிவு திரைப்படத்திற்கு நல்ல வரவேற்பு கிடைத்து வருவதால் தற்பொழுது வரையிலும் திரையரங்குகளில் ஓடி வருகின்றது. நடிகர் அஜித்தின் கதாபாத்திரம் மற்றும் கதையின் நோக்கம் இரண்டும் வங்கியை கொள்ளையடிக்க முயற்சி செய்யும்பொழுது ஏற்படும் சம்பவங்களை அடிப்படையாக வைத்து உருவாக்கப்பட்டது.

இந்நிலையில் சில தினங்களுக்கு முன்பு நெட்பிளிக்ஸ் நிறுவனம் ஓடிடியில் வெளியிடுவதற்கான உரிமத்தை கைப்பற்றியது, மேலும் சேட்டிலைட் உரிமத்தை கலைஞர் தொலைக்காட்சி கைப்பற்றியது, இதனை அடுத்து ஆடியோ உரிமத்தை ஜி மியூசிக் நிறுவனம் கைப்பற்றியுள்ளது. இந்தப் படத்தில் அஜித்தை அடுத்து மஞ்சு வாரியர், ஜான் கொக்கன், வீரா சமுத்திரகனி, மகாநதி சங்கர், பிக்பாஸ் அமீர், பாவணி ஆகியோர்கள் முக்கிய கதாபாத்திரத்தில் நடித்திருந்தனர்.

இந்நிலையில் தற்பொழுது நெட்ப்ளிக்சில் ஒளிபரப்பாகி வரும் துணிவு திரைப்படத்தினை தொடர்ந்து ரசிகர்கள் பார்த்து வரும் நிலையில் தற்போது தமிழகத்தைச் சேர்ந்த இந்திய கிரிக்கெட் அணியின் முன்னாள் வீரர் சுப்பிரமணியம் பத்ரிநாத்தும் துணிவு படத்தினை பார்த்துள்ளார் எனவே இதனை பார்த்துவிட்டு அவர் தன்னுடைய டுவிட்டர் பக்கத்தில் “ஹாலிவுட் ஸ்டைலில் ஒரு தமிழ் படம்” என டுவிட் செய்துள்ளார்.