நடிகர் சூர்யா தமிழ் சினிமா உலகில் வித்தியாசமான கதைகளை தேர்ந்தெடுத்து நடித்து அதில் வெற்றியை கண்டு அசத்தி வருகிறார். இவர் நடிப்பில் கடைசியாக வெளியான சூரரை போற்று, ஜெய்பீம், எதற்கும் துணிந்தவன் போன்ற படங்கள் வெற்றி படங்களாக மாறியதால் அந்த வெற்றியை தொடர்ந்து தக்க வைத்துக் கொள்ள நடிகர் சூர்யா.
சிறந்த இயக்குனர்களுடன் கைகோர்த்து நடித்து வருகிறார். பாலாவுடன் மீண்டும் ஒருமுறை கைகோர்த்து வணங்கான் திரைப்படத்தில் விறுவிறுப்பாக நடித்து வருகிறார் சூர்யா. இந்த படத்தில் அவருக்கு ஜோடியாக 18 வயது இளம் நடிகை கீர்த்தி ஷெட்டி நடிக்கிறார் மற்றும் பல பிரபலங்கள் நடித்து வருகின்றனர்.
அதனைத் தொடர்ந்து நடிகர் சூர்யா தேசிய விருது பெற்ற இயக்குனர் வெற்றி மாறனுடன் இணைந்து வாடி வாசல். அதன் பின் சிறுத்தை சிவா உடன் ஒரு படம் என ஓட ரெடியாக இருக்கிறார். இப்படி இருக்கின்ற நிலையில் நடிகர் சூர்யா பற்றிய செய்தி ஒன்று இணையதள பக்கத்தில் தீயாய் பரவி வருகிறது.
நடிகர் சூர்யாவுக்கு 20 வயது இருக்கும் பொழுது இயக்குனர் வசந்த் இயக்கத்தில் ஆசை திரைப்படத்தில் ஹீரோவாக நடிக்க வைப்பு வந்துள்ளது ஆனால் அதனை சூர்யா நிராகரிக்கவே பின் அந்த கதையில் ஹீரோவாக நடிகர் அஜித் நடித்து மிகப்பெரிய ஹிட் ஆனது. பின் அந்தப் படத்தை பார்த்து நடிகர் சூர்யா இப்படி ஒரு சூப்பர் ஹிட் படத்தை மிஸ் செய்து விட்டோமே என புலம்பினாராம்.
ஆனால் மீண்டும் சூர்யா அதே இயக்குனருடன் இணைந்து நேருக்கு நேர் என்ற திரைப்படத்தில் நடித்து அறிமுகமானார் என்பது குறிப்பிடத்தக்கது. அதன் பிறகு நடிகர் சூர்யா பெரும்பாலும் தனக்கு வருகின்ற கதையை விடுவதே இல்லையாம் முடிந்த வரை அந்த கதையில் நடிக்கவே பார்ப்பார் என சொல்லப்படுகிறது.