தென்னிந்திய சினிமாவில் முன்னணி நடிகராக வலம் வந்து கொண்டிருக்கும் சூர்யா தொடர்ந்து நடித்து வருவதோடு மட்டுமல்லாமல் திரைப்படங்கள் தயாரிப்பதையும் வழக்கமாக வைத்திருக்கிறார். அந்த வகையில் சூர்யாவின் தம்பியும் நடிகருமான கார்த்திக் நடிப்பில் விருமன் திரைப்படம் கடந்த வாரம் 11ஆம் தேதி அன்று திரையரங்குகளில் வெளியாகிய ரசிகர்கள் மத்தியில் நல்ல வரவேற்பினை பெற்றது.
இந்த திரைப்படத்தினை சூர்யாவின் 2டி என்டர்டைன்மெண்ட் நிறுவனம் தயாரிக்க இரண்டாவது முறையாக முத்தையா கார்த்திக்கு விருமன் திரைப்படத்தை இயக்கியிருந்தார். இந்த திரைப்படத்தில் கார்த்திக்கு ஜோடியாக இயக்குனர் ஷங்கரின் மகள் அதிதீ ஷங்கர் கதாநாயகியாக சினிமாவிற்கு அறிமுகமாகியுள்ளார்.மேலும் சூரி, ராஜ்கிரண், சரண்யா பொன்வண்ணன், பிரகாஷ் ராஜ் உள்ளிட்ட பிரபலங்கள் முக்கிய கதாபாத்திரத்தில் நடித்திருந்தார்கள்.
மேலும் இத்திரைப்படத்தில் ஏ ஆர் ரகுமான் இசையமைப்பில் வெளிவந்த அனைத்து பாடல்களும் ரசிகர்கள் மத்தியில் மிகப்பெரிய வரவேற்பு பெற்றது. சென்டிமென்ட், ஆக்சன், காமெடி என அனைத்தும் கலந்த கலவையாக இருந்த காரணத்தினால் பலரும் இந்த திரைப்படம் மிகவும் அருமையாக இருப்பதாக விமர்சனம் தந்தார்கள். மேலும் ஒரு சிலர் கொம்பன் திரைப்படம் போலவே இருப்பதாகவும் கூறி இருந்தார்கள் இருந்தாலும் வசூல் ரீதியாக மிகப்பெரிய வெற்றி பெற்றுள்ளதாக கூறப்படுகிறது.
இவ்வாறு விமர்சன ரீதியாகவும்,வசூல் ரீதியாகவும் இத்திரைப்படம் வெற்றி பெற்றுள்ள நிலையில் இந்த படத்தின் வெற்றியை கொண்டாடும் விதமாக படக்குழுவை சேர்ந்த அனைவருக்கும் விநியோஷ்தர்கர் சக்திவேலன் பரிசளித்துள்ளார். இந்நிலையில் விருமன் திரைப்படம் வெளியாக்கிய ஐந்து நாட்களில் உலகம் முழுவதும் 40 கோடி வசூல் செய்ததாக தகவல் வெளியாகி உள்ளது.
இதன் காரணமாக சமீபத்தில் இந்த திரைப்படத்தின் வெற்றி விழா கொண்டாடப்பட்டது அதில் கார்த்திக், சூர்யா என பலரும் பங்குபெற்றே சிறப்பித்து இருந்தார்கள். இந்நிகழ்ச்சியில் சக்தி ஃபிலிம் ஃபேக்டரி சக்திவேல் சிலருக்கு வைரக் காப்பினை பரிசாக அளித்துள்ளார். அந்த வகையில் நடிகர் கார்த்திக், சூர்யா மற்றும் இணை தயாரிப்பாளர் ராஜசேகர் உள்ளிட்டவர்களுக்கு வைர காப்பினை பரிசாக அளித்துள்ளார்.இதனைத் தொடர்ந்து விருமன் திரைப்படத்தின் இயக்குனர் முத்தையாவிற்கு வைர மோதத்தினை பரிசளித்துள்ளார்.
முதலில் சக்திவேல் சூர்யாவிற்கு இந்த காப்பினை அணியயும் பொழுது சூர்யா வேண்டாம் என தடுத்துள்ளார் ஆனால் சக்திவேல் பிடிவாதமாக அந்த வைர காப்பினை சூர்யாவின் கையில் போட்டு விடுகிறார். இது குறித்த வீடியோக்கள் மற்றும் புகைப்படங்கள் சோசியல் மீடியாவில் வைரலாக அனைவரும் சூர்யா என்ன மனுஷன் டா என கூறி வருகிறார்கள்.