சூர்யா நடிப்பில் சிறுத்தை சிவா இயக்கியுள்ள கங்குவா நவம்பர் 14 வெளிவர இருக்கிறது. ஆயுத பூஜை அன்றே வெளிவந்திருக்க வேண்டிய படம் வேட்டையனால் அடுத்த மாதத்திற்கு தள்ளிப் போய்விட்டது.
இது சூர்யா ரசிகர்களுக்கு வருத்தம் தான் என்றாலும் படம் நிச்சயம் ஆயிரம் கோடியை தட்டி தூக்கும் என்ற நம்பிக்கையில் காத்திருக்கின்றனர். அதேபோல் கார்த்திக் சுப்பராஜ் இயக்கத்தில் சூர்யா நடிக்கும் 44ஆவது படத்தின் படப்பிடிப்பும் விரைவில் முடிய இருக்கிறது.
அதை அடுத்து சூர்யாவின் அடுத்த பட வேலைகளும் ஆரம்பித்துவிட்டது. ஏற்கனவே இது பற்றிய தகவல் வெளிவந்திருந்தாலும் அதிகாரப்பூர்வமாக அறிவிக்கப்படவில்லை. அந்த வகையில் தற்போது போஸ்டரை வெளியிட்டு தயாரிப்பு தரப்பு இதை அறிவித்துள்ளது.
இது எதிர்பார்த்ததுதான் என்றாலும் போஸ்டர் வேற லெவலில் மிரட்டலாக இருக்கிறது. அதன்படி ட்ரீம் வாரியர் பிக்சர்ஸ் தயாரிக்கும் சூர்யா 45 படத்தை இயக்கப் போவது ஆர் ஜே பாலாஜி தான் என்பது உறுதியாகி இருக்கிறது. ஏ ஆர் ரகுமான் இப்படத்திற்கு இசையமைக்கிறார்.
மேலும் போஸ்டரில் விபூதி பட்டை குங்குமம் இட்ட வீச்சருவாள் இடம் பெற்றிருக்கிறது. இதிலிருந்து இப்படம் பக்கா ஆக்சன் கதையாக இருக்கும் என தெரிகிறது. மேலும் கிராமத்து கதைக்களமாக இருக்கும் எனவும் யூகிக்கப்படுகிறது.
ஆக மொத்தம் சூர்யாவை நீண்ட நாட்களுக்குப் பிறகு பிரஷ் ஆன ஒரு தோற்றத்தில் நாம் எதிர்பார்க்கலாம். இப்படியாக வெளிவந்துள்ள இந்த போஸ்டர் தற்போது ட்ரெண்டிங்கில் இடம் பிடித்துள்ளது.