சினிமா உலகில் குழந்தை நட்சத்திரமாக அறிமுகமாகி பின் படிப்படியாக தனது திறமையை வெளிப்படுத்தி தற்போது உச்ச நட்சத்திரமாக திகழ்ந்து வரும் நடிகர்களில் ஒருவர் சிம்பு. இவர் பல்வேறு சூப்பர் ஹிட் திரைப்படங்களை கொடுத்துள்ளார் மேலும் சமீபத்தில் வெளிவந்த இவரது மாநாடு திரைப்படம் மக்களிடையே நல்ல வரவேற்பைப் பெற்று திரையரங்கில் நல்ல வசூல் வேட்டையும் நடத்தியது.
தற்போது நடிகர் சிம்பு கௌதம் மேனன் இயக்கத்தில் வெந்து தணிந்தது காடு திரைப்படத்தில் நடித்து வருகிறார். மேலும் இந்த திரைப்படத்தின் ஃபர்ஸ்ட் லுக் போஸ்டர் கூட அண்மையில் வெளியாகி சமூக வலைதளங்களில் நல்ல ரீச் அடைந்தது. இதனைத் தொடர்ந்து தற்போது இவர் கொரோனா குமார், பத்து தல போன்ற சில படங்களிலும் நடித்து வருகிறார்.
இந்த நிலையில் சிம்பு சினிமா துறையில் சில திரைப்படங்களை தவறவிட்டு உள்ளாராம்.அது எந்தெந்த படம் என்பது குறித்த தகவல் ஒன்று வெளியாகியுள்ளது. ஆம் அவை விஷால் நடிப்பில் வெளியாகி சூப்பர் ஹிட்டடித்த திமிரு திரைப்படத்தில் ஹீரோவாக நடிக்க முதலில் சிம்புவை தான் கேட்டுள்ளார்களாம் அப்போது அந்தத் திரைபடத்தில் சிம்பு நடிக்க முடியாமல் போனதால் அந்த படம் விஷாலுக்கு கைமாறின.
கடந்த 2011 ஆம் ஆண்டு ஜீவா நடிப்பில் வெளிவந்த கோ திரைப்படத்தில் முதலில் சிம்பு நடிக்க இருந்தார். பின்பு ஏதோ சில காரணங்களால் அவர் நடிக்க முடியாமல் போனதால் ஜீவா நடித்துள்ளார். இதனை அடுத்து விஜய் நடிப்பில் வெளிவந்து ஹிட்டான நண்பன் திரைப்படத்தில் விஜய்க்கு நண்பனாக ஜீவா மற்றும் ஸ்ரீகாந்த் இருப்பார்கள் அதில் ஜீவாவிற்கு பதில் சிம்பு தான் நடிக்க இருந்தாராம்.
பின்பு சில காரணங்களால் சிம்புவால் இந்த படத்தில் நடிக்க முடியாமல் போனது, மேலும் அதனை அடுத்து மாதவன் ஆர்யா நடிப்பில் வெளிவந்த வேட்டை திரைப்படத்தின் கதையை முதலில் லிங்குசாமி சிம்புவிடம் தான் கூறி இருந்தாராம் அந்த சமயத்தில் சிம்புவிற்கு கால்ஷீட் பிரச்சனையால் இந்த படத்தில் சிம்பு நடிக்க முடியாமல் போய்விட்டன.