தமிழ் சினிமாவில் பல்வேறு மெகாஹிட் திரைப்படங்களை இயக்கி தனக்கென ஒரு இடத்தைப் பிடித்த இயக்குனர் என்றால் அது சிறுத்தை சிவா தான். இவ்வாறு பிரபலமான நமது இயக்குனர் தமிழில் ஏகப்பட்ட திரைப்படங்கள் இயக்கியது மட்டுமில்லாமல் அதில் முன்னணி நடிகர்கள் பலரும் கதாநாயகனாக நடித்து உள்ளார்கள்.
அந்த வகையில் சிறுத்தை சிவா அவர்கள் சிறுத்தை என்ற திரைப்படத்தை இயக்கி மாபெரும் வெற்றி கண்டார் என்பது நம் அனைவருக்குமே தெரிந்த விஷயம் அந்த வகையில் தல அஜித்தை வைத்து வீரம், வேதாளம், விசுவாசம், பல்வேறு பிளாக்பஸ்டர் வெற்றித் திரைப்படங்களை கொடுத்துள்ளார்.
இவ்வாறு அஜித்தை திரையின் உச்சிக்கு கொண்டு சென்ற சிறுத்தை சிவா அவர்கள் அதன் பிறகு சூப்பர் ஸ்டார் ரஜினிகாந்துடன் கூட்டணி வைத்து அண்ணாத்த என்ற திரைப்படத்தை இயக்கி இருந்தார் இந்த திரைப்படம் கடந்த வருடம் தீபாவளியை முன்னிட்டு வெளிவந்து எதிர்பார்த்த வெற்றியை தரவில்லை என்பதே உண்மை.
இதை தொடர்ந்து சிறுத்தை சிவா அவர்கள் யாருடன் இணையப் போகிறார் என்ற கேள்வி ரசிகர்களின் மத்தியில் கேள்வியாக இருந்த நிலையில் அடுத்ததாக நடிகர் சூர்யாவுடன் இணையப் போகிறார் என்ற செய்தி நேற்றிலிருந்து இணையத்தில் வைரலாக பரவி வருகிறது.
அதாவது சூர்யா நடிக்கப் போகும் அடுத்த திரைப்படத்தை இயக்குனர் சிவா இயக்குவது மட்டுமில்லாமல் இந்த திரைப்படத்தினை uv கிரியேஷன்ஸ் நிறுவனம் தயாரிக்கவுள்ளது அதுமட்டுமில்லாமல் இந்த திரைப்படம் மிகப்பெரிய பொருட்செலவில் உருவாகும் என தெரியவந்த நிலையில் இந்த திரைப்படம் இரண்டு பாகங்களாக வெளியிட தனது இயக்குனர் முடிவு செய்துள்ளார்.
