விஜய் டிவியில் ஒளிபரப்பாகும் சீரியல்களில் சிறகடிக்க ஆசை சீரியலுக்கு ஏகப்பட்ட ரசிகர்கள் இருக்கின்றனர். அதில் முத்து மீனாவின் சண்டை ரொமான்ஸ் என அனைத்துமே ரசிகர்களை கவர்ந்து விட்டது.
அதில் பார்ப்பதற்கு ஒரு சாயலில் விஜய் சேதுபதி போல் இருக்கும் முத்து நடிப்பிலும் எதார்த்தத்தை கொண்டு வந்து வெற்றியை தக்க வைத்துள்ளார். அவருக்காகவே இந்த சீரியலை பார்க்கும் ரசிகர்களும் ஏராளம்.
சோசியல் மீடியாவில் பயங்கர ஆக்டிவாக இருக்கும் வெற்றி வசந்த் தற்போது ஒரு குட் நியூஸ் சொல்லி இருக்கிறார். என்னவென்றால் தன்னுடைய காதலியை அவர் விரைவில் கரம் பிடிக்க இருக்கிறார்.
இருவருக்கும் நடக்கப் போகும் எங்கேஜ்மென்ட் பற்றிய அறிவிப்பை அவர் வெளியிட்டுள்ளார். பொண்ணு வேறு யாரும் கிடையாது விஜய் டிவி பொன்னி சீரியலில் ஹீரோயினாக வரும் வைஷ்ணவி தான்.
இருவரும் க்யூட்டாக நடனமாடும் ஒரு வீடியோவை வெளியிட்டு இந்த தகவலை அவர் பகிர்ந்து உள்ளார். இதை கொஞ்சம் கூட எதிர்பார்க்காத ரசிகர்கள் சந்தோஷத்துடன் இந்த ஜோடியை வாழ்த்தி வருகின்றனர்.
மேலும் சிறகடிக்க ஆசை சீரியல் ரசிகர்கள் நம்ம முத்துவை வேற ஹீரோயின் ஓட பாக்க கஷ்டமா இருக்கு என ஜாலியாக கமெண்ட் கொடுத்து வருகின்றனர். ஆக மொத்தம் விஜய் டிவி புண்ணியத்தில் இன்னொரு ரியல் ஜோடி தயாராகி விட்டது.