சிறகடிக்க ஆசை சீரியலில் முத்து மீனா கெமிஸ்ட்ரிக்கு ஏகப்பட்ட ரசிகர்கள் இருக்கின்றனர். சின்னச்சின்ன சீண்டல்களும் செல்ல சண்டைகளும் என இவர்களுக்காகவே சீரியலை விழுந்து விழுந்து பார்க்கும் இல்லத்தரசிகளும் உண்டு.
அதனாலேயே விஜய் டிவியின் டிஆர்பி உயர்ந்து கொண்டிருக்கிறது. அதில் இன்றைய எபிசோட் சுவாரஸ்யமாக செல்ல இருக்கிறது. முத்துவுக்கு மச்சானுடன் ஏற்பட்ட மன வருத்தம் எல்லாம் போய்விட்டது.
இப்போது மச்சானுக்காக ஜெயிலுக்கு செல்லும் அளவுக்கு வந்திருக்கிறார். அதாவது சத்யாவை எக்ஸாம் எழுதக்கூடாது என கல்லூரியில் சொல்லிவிட்டதால் அக்காவிடம் சொல்லி அழுகிறார்.
உடனே முத்து பிரின்சிபல் வீட்டு கதையை தெரிந்து கொண்டு குடிகாரன் போல் நடிக்கிறார். ஏற்கனவே மகளின் கணவர் இப்படி குடித்துவிட்டு அலப்பறை செய்வதால் அவர் தீராத கடுப்பில் இருக்கிறார்.
அதை அப்படியே பயன்படுத்திக் கொண்ட முத்து அவர் மனதை மாற்றி சத்யாவை காலேஜுக்கு வா என சொல்ல வைக்கிறார். இதோடு பிரச்சினை முடிந்தது என பார்த்தால் போலீஸ் வந்து அலேக்காக அவரை தூக்கி உள்ளே வைத்து விடுகிறது.
இதனால் பதறிப் போகும் மீனா ஸ்ருதியிடம் உதவி கேட்கிறார். இதுதான் இன்றைய எபிசோடில் காட்டப்பட இருக்கிறது. அதன் பிறகு சத்யா முத்து காலில் விழுந்து மன்னிப்பு கேட்டு ஒட்டு மொத்த குடும்பமும் ஒன்று சேர்ந்து விடுகிறது.
ஆனால் இவர்களின் நிம்மதியை கெடுக்கவே ரோகினி கழுகு போல் காத்திருக்கிறார். எப்போது அந்த வீடியோ வெளியில் வருகிறதோ அப்போது பல பிரச்சனைகள் வெடிக்கும். அதுவும் அடுத்தடுத்த எபிசோடுகளில் வர இருக்கிறது.