siragadikka aasai; விஜய் டிவியில் ஒளிபரப்பாகி வரும் சிறகடிக்க ஆசை சீரியலுக்கு மக்கள் மத்தியில் நல்ல வரவேற்பு கிடைத்து வரும் நிலையில் தற்போது தான் கதை சூடு பிடிக்க தொடங்கியுள்ளது. சமீபத்தில் வெளியான இந்த சீரியலுக்கு ரசிகர்கள் மத்தியில் ஓரளவிற்கு நல்ல வரவேற்பு கிடைத்தாலும் சில வாரங்களாக நல்ல வரவேற்பு உண்டு எனவே விரைவில் டிஆர்பியில் நல்ல இடத்தினை பிடிக்கும் என எதிர்பார்க்கப்படுகிறது.
விருப்பம் இல்லாமல் திருமணம் செய்துக் கொண்ட மீனா, முத்து இருவரும் எலியும் பூனையுமாக இருந்து வருகிறார்கள். ஒரு கட்டத்தில் மீனாவிற்கும் முத்துவின் மேல் காதல் வர ஆனால் முத்து மீனாவை முழுமையாக ஏற்றுக் கொள்ளாமல் இருந்து வருகிறார் இதனால் முத்துவின் அப்பா தனது சொந்த ஊருக்கு அனுப்பி வைக்கிறார்.
அங்கு முத்துவின் பாட்டி முத்துவையும் மீனாவையும் சேர்த்து வைக்க வேண்டும் என பல முயற்சிகளை செய்கின்றனர். இவ்வாறு இது கைகூடும் நேரத்தில் முத்துவிற்கு மிகப்பெரிய பிரச்சனை ஏற்பட்டது அதாவது சொந்தமாக முத்து வாங்கிய காரை போலீஸ் பிடித்து விட்டது எனவே மீண்டும் வாடகை காரை ஓட்ட ஆரம்பித்திருக்கிறார்.
இதனை அடுத்து மீனாவிற்கு தாலி கோர்க்கும் நிகழ்ச்சி நடைபெற இருக்கும் நிலையில் இதற்கு விருந்தினராக முத்துவின் அண்ணன் திருமணம் செய்து கொள்ள போகும் ரோகினி வருகிறார். அதே நேரத்தில் ரோகினியை பார்ப்பதற்காக சென்னை வந்த அவருடைய அம்மாவை வழியில் மீனா பார்த்துவிட்டு தனது வீட்டில் அழைத்துச் செல்கிறார் எனவே இதனால் ரோகினி மாட்டிக்கொள்வாரா என்பதை பொறுத்திருந்துதான் பார்க்க வேண்டும்.
இப்படிப்பட்ட நிலையில் தற்போது சிறகடிக்க ஆசை சீரியல் ரசிகர்களுக்கு மிகவும் மகிழ்ச்சியான தகவல் வெளியாகி உள்ளது. அதாவது திங்கள் முதல் வெள்ளிக்கிழமை வரை ஒளிபரப்பாகி வந்த இந்த சீரியல் இனிவரும் வாரங்களில் திங்கள் முதல் சனிக்கிழமை வரை ஒளிபரப்பாக இருப்பதாக சீரியல் குழு அதிகாரப்பூர்வமான அறிவிப்பை வெளியிட்டுள்ளது.