சிறகடிக்க ஆசை சீரியலில் இன்றைய எபிசோடில் நகை எப்படி மாறியது என்று அனைவரும் கண்டுபிடிக்க முயற்சி செய்கிறார்கள். அப்பொழுது ஸ்ருதியை வைத்து மனோஜ்க்கு போன் செய்து கவரிங் நகை பீட்பேக் பற்றி பேசுகிறார் அதற்கு மனோஜ் முதலில் சொல்ல வர பிறகு மழுப்பி நான் கவரிங் நகை வாங்கலை எதையும் வாங்கவில்லை என கூறிவிட்டு போனை கட் செய்கிறார். அதேபோல் ரோகினியும் கிர்ஷிடம் பேசிவிட்டு மனோஜிடம் சமாளிக்கிறார்.
ஒரு கிளையன்ட் பார்க்கப் போகிறேன் என சொல்லிவிட்டு அவசர அவசரமாக விஜயாவிடம் ஓடிய மனோஜ் கவரிங் நகை குறித்து ஃபீட்பேக் கேட்டார்கள் இதெல்லாம் புதுசா இருக்கிறது. தங்க நகைக்கு கூட இப்பொழுது கேட்பது கிடையாது ஆனால் கவரிங் நகைக்கு கேட்டதால் எனக்கு சந்தேகமாக இருந்தது என கூறுகிறார் உடனே நீ உண்மையை சொல்லிட்டியா என கேட்க இல்ல நான் அதெல்லாம் எதுவுமே சொல்லல என கூறுகிறார்.
உடனே விஜயா இதற்கெல்லாம் ஒரே வழி தான் எப்படியாவது அந்த நகையை திருப்பி வைக்க வேண்டும் என கூறுகிறார்கள் அதுக்காக தான் பணம் ரெடி பண்ணுகிறேன் ஆனால் என்னால் ரெடி பண்ண முடியவில்லை என மனோஜ் கூறுகிறார். அதே போல் முத்து மீனா விடம் எங்க அம்மா எந்த தப்பு செஞ்சாலும் கண்டிப்பா பார்வதி ஆன்ட்டிக்கு தெரியும் அவங்கள வச்சு தான் எல்லாம் செஞ்சி இருப்பாங்க நாம அவங்கள புடிச்சோம்னா கண்டிப்பா ஏதாவது ஒரு ஐடியா கிடைக்கும் என பேசுகிறார்.
உடனே முத்து மீனா இருவரும் பார்வதி ஆண்டியை பார்க்க செல்கிறார்கள் அவரிடம் பழம் ஃப்ரீயாக கிடைத்தது அதை உங்களிடம் கொடுத்துவிட்டு போகலாம் என்று வந்தோம் என கூறுகிறார்கள். உடனே பாட்டிக்காக தங்க நகை வாங்கலாம் என முயற்சி செய்தோம் எனக் கூற அதுதான் கவரிங் நகையாக மாறிவிட்டதே என முந்தி கொண்டு கூறுகிறார். இதனால் முத்து இன்னும் போட்டு வாங்க பார்க்கிறார்.
அந்த சமயத்தில் விஜயா பார்வதி என கத்துகிறார், முத்துவை பார்த்து நீங்க என்ன இங்க பண்றீங்க என கேட்க மீனா பழம் கொடுக்க வந்தோம் என சொல்லி சமாளிக்கிறார் இந்த நிலையில் முத்துவுக்கு செல்வம் கால் பண்ண போனை எடுக்காமல் இருக்கிறார். முத்து பிறகு போனை எடுத்து பேசுகையில் பிரிட்ஜ் வாங்க போக வேண்டும் என கூறுகிறார். அதற்கு முத்து மறுக்க பிறகு மீனா ஃபோனை வாங்கி அவர் வருவார் என கூறி விடுகிறார் பிறகு முத்துவுக்கு அட்வைஸ் பண்ணி போக சொல்கிறார்.
போன இடத்தில் மனோஜை கையும் களவுமாக பிடிக்க முயற்சி செய்கிறார்கள் அப்பொழுது போலீஸ் ஸ்டேஷனில் மனோஜ் கம்ப்ளைன்ட் கொடுத்தது பற்றி விசாரிக்கிறார் அப்பொழுது முத்து வீடியோ எடுத்துக் கொண்டிருக்கிறார் இத்துடன் ப்ரோமோ முடிகிறது.