இயக்குனர் கௌதம் மேனன் தமிழ் சினிமாவின் முன்னணி இயக்குனர்களில் ஒருவர். இவர் திரைப்படம் ரசிகர்களிடையே மிகவும் பிரபலம் அடைந்து விடும் ஏனென்றால் காதல் கலந்த திரைப்படமாக தான் இருக்கும். அதுமட்டுமில்லாமல் கௌதம் மேனன் திரைப்படத்திற்கு தனி ரசிகர் பட்டாளமே இருந்து வருகிறது.
அதேபோல் சிம்பு தமிழ் சினிமாவில் முன்னணி நடிகராக வலம் வருகிறார். கௌதம் மேனன் மற்றும் சிம்பு இருவரும் தனித்தனியாக பல திரைப்படங்களில் பணியாற்றி உள்ளார்கள். அவற்றில் ஒரு சில திரைப்படங்கள் வெற்றியடைந்துள்ளன ஒரு சில திரைப் படங்கள் தோல்வி அடைந்துள்ளன. ஆனால் இருவரும் இணைந்து பணியாற்றிய திரைப்படம் ரசிகர்கள் மத்தியில் நல்ல வரவேற்பு இருக்கும்.
ஏற்கனவே சிம்பு மற்றும் கௌதம் மேனன் கூட்டணியில் வெளியாகிய விண்ணைத்தாண்டி வருவாயா திரைப்படம் மாபெரும் ஹிட்டடித்தது. அதை தொடர்ந்து அச்சம் என்பது மடமையடா திரைப்படமும் ரசிகர்களிடம் நல்ல விமர்சனங்களைப் பெற்றது இந்த நிலையில் மூன்றாவது முறையாக இவர்கள் கூட்டணி இணைய இருக்கிறது.
இவர்கள் இணையும் திரைப்படத்திற்கு நதிகளில் நீராடும் சூரியனே என டைட்டில் வைத்துள்ளார்கள். இந்த திரைப்படத்தை வேர்ஸ்ட் பிலிம்ஸ் இன்டர்நேஷனல் நிறுவனத்தின் சார்பாக கணேஷ் தயாரிக்கிறார்.
மேலும் இந்த திரைப்படத்தின் டைட்டிலை பார்த்தாலே தெரிகிறது காதல் திரைப்படமாக இருக்கும் என்பது அதுமட்டுமில்லாமல் இதற்கு முன் கௌதம் மேனன் சிம்பு திரைப்படங்கள் அனைத்தும் காதல் திரைப்படமாக தான் அமைந்துள்ளது. அப்படியிருக்கும் நிலையில் நதிகளில் நீராடும் சூரியன் திரைப்படத்திற்கு ஏ ஆர் ரகுமான் இசையமைக்க இருக்கிறார்.
கௌதம் மேனன் மற்றும் சிம்பு இருவரும் இணையும் மூன்றாவது திரைப்படம் என்பதால் இந்த திரைப்படம் ஹாட்ரிக் வெற்றி பெறுமா என்பதை பொறுத்திருந்து தான் பார்க்க வேண்டும். அதேபோல் இந்த திரைப் படத்தில் ஹீரோயினாக யார் நடிக்கப் போகிறார் என்பதும் இதுவரை அறிவிக்கவில்லை.
அதனால் யார் ஹீரோயினாக நடிக்கப் போகிறார் என்ற எதிர்பார்ப்பு ரசிகர்களிடம் இருந்து வருகிறது. இந்த நிலையில் முதலில் நயன்தாராவை படக்குழுவினர் ஒப்பந்தம் செய்ய முயன்றதாக சமீபத்தில் தகவல் வெளியானது ஆனால் நயன்தாரா சிம்புவுடன் நடிக்கமாட்டேன் என ஒரேடியாக கூறிவிட்டதால் வேறொரு நாயகியை படக்குழு தேடி வருகிறது.
அந்த வாய்ப்பு யாருக்கு கிடைக்கும் என்பதை பொறுத்திருந்துதான் பார்க்க வேண்டும்.
