தளபதி விஜய் தனது ஒவ்வொரு படத்தையும் ஜெயிக்க வைக்க அயராது பாடுபடுவார். படத்தை தாண்டி அவர் ஆடியோ பங்க்ஷன் மற்றும் தன்னால் முடிந்த வேலைகளை செய்து படத்தின் வெற்றிக்கு பலம் சேர்ப்பார் இதனாலையே அவரது படம் அசால்டாக 200 கோடிக்கு மேல் வசூல் அள்ளுகின்றன. அந்த வகையில் பீஸ்ட் படத்தின் வெற்றியை தொடர்ந்து வாரிசு திரைப்படத்தில் விஜய் சூப்பராக நடித்து முடித்துள்ளார்.
அடுத்த வருடம் பொங்கலை முன்னிட்டு கோலாகலமாக ரிலீஸ் ஆக இருக்கிறது.
இந்த படத்தை வம்சி எடுத்துள்ளார் தில் ராஜு மிக பிரம்மாண்ட பொருள் செலவில் தயாரித்திருக்கிறார். படம் வெளிவர இன்னும் குறுகிய நாட்களே இருப்பதால் ரசிகர்களை கவர்ந்திழுக்க படகுழு அடுத்தடுத்த அப்டேட்டுகளை வெளியிட்டு வருகிறது.
கடைசியாக அம்மா பாடலை வெளியிட்டு ஒட்டுமொத்த ஆடியன்சையும் தன் பக்கம் இழுத்த நிலையில் இன்று சென்னையில் உள்ள நேரு விளையாட்டு அரங்கில் மாலை 4 மணிக்கு கோலாகலமாக இசை வெளியீட்டு விழா நடக்க இருக்கிறது இதில் விஜய் மற்றும் வாரிசு படத்தில் நடித்த பிரபலங்கள் கலந்து கொள்வார்கள் என கூறப்படுகிறது.
மேலும் மகேஷ் பாபு, பாலிவுட் பாஷா ஷாருக்கான் என பல பிரபலங்களும் கலந்து கொள்ள இருப்பதாக தகவல்கள் வெளியாகின இப்படி இருக்கின்ற நிலையில் இந்த படத்தில் தீ தளபதி பாடலை பாடிய நடிகர் சிம்பு இந்த ஆடியோ விழாவில் கலந்து கொள்ள மாட்டார் என சொல்லப்படுகிறது அதற்கான காரணம் என்னவென்றால் சிம்பு பத்து தல படத்தின் படப்பிடிப்பை வெற்றிகரமாக முடித்ததை தொடர்ந்து..
வெளிநாட்டில் ஓய்வு எடுத்து வருகிறாராம் அதன் காரணமாக வாரிசு படத்தின் ஆடியோ லான்சில் சிம்பு கலந்து கொள்ள மாட்டார் என கூறப்படுகிறது. இந்த செய்தி சிம்பு ரசிகர்களை வருத்தமடைய செய்திருந்தாலும் தளபதி குட்டி ஸ்டோரி போன்ற பல விஷயங்களை சொல்ல இருப்பதால் ஓரளவு சிம்பு ரசிகர்கள் ஆறுதல் அடைகின்றனர்.