Baakiyalakshmi Serial: விஜய் டிவியில் ஒளிபரப்பாகி வரும் பாக்கியலட்சுமி சீரியலில் அமிர்தா கேரக்டரில் நடித்து வந்த நடிகை ரித்திகா விலகியிருக்கும் நிலையில் இதற்கு கோபி கேரக்டரில் நடித்து வரும் சதீஷ் தனது சமூக வலைதள பக்கத்தில் பதிவு ஒன்றை வெளியிட்டுள்ளார்.
விஜய் டிவியின் பாக்கியலட்சுமி சீரியலுக்கு ரசிகர்கள் மத்தியில் நல்ல வரவேற்பு கிடைத்து வருகிறது. அப்படி தொடர்ந்து பல திருப்பங்களுடன் ஒளிபரப்பாகி வரும் பாக்கியலட்சுமி சீரியலில் முக்கிய கேரக்டரில் நடித்து வருபவர் தான் சதிஷ். இவர் கோபி கேரக்டரில் நடித்து வருகிறார் இவருக்கு ரசிகர்கள் மத்தியில் நல்ல வரவேற்பு உண்டு.
இவருடைய நடிப்பு, பாடி லாங்குவேஜ் போன்றவை ரசிகர்களை பெரிதளவிலும் கவர்ந்தது. இப்படிப்பட்ட நிலையில் சமீபத்தில் இவர் இந்த சீரியலில் இருந்து விளக்குவதாக தகவல் வெளியானது எனவே ரசிகர்கள் மத்தியில் அதிர்ச்சியை ஏற்படுத்தியது. சீரியலில் இருந்து இவர் விலகி விட்டால் இவருக்கு பதிலாக எந்த நடிகர் நடித்தாலும் பொருத்தமாக இருக்காது என கருத்துக்களை கூறி வந்தனர்.
விருது நிகழ்ச்சியில் இவருக்கு விருது வழங்கப்படாததே இந்த சீரியலில் இருந்து விலக முக்கிய காரணம் என கூறப்படுகிறது. ஆனால் இதற்கெல்லாம் விளக்கம் அளித்த சதீஷ் சீரியலில் இருந்து விலகவில்லை என்றும் கோபி கேரக்டரில் நடிப்பேன் எனவும் கூறினார்.
இவரை அடுத்து தற்போது பாக்கியலட்சுமி சீரியலில் இருந்து அமிர்தா கேரக்டரில் நடித்து வந்த ரித்திகா விலகி இருக்கிறார். இவர் விலகியதற்கான காரணம் தெரியாமல் இருந்து வரும் நிலையில் இவர் விலகியது குறித்து அதிகாரப்பூர்வமான தகவலும் வெளியாகவில்லை.
இப்படிப்பட்ட நிலையில் சதீஷ் தனது இன்ஸ்டாகிராம் பக்கத்தில் ரித்திகா விலகியது குறித்து பதிவு ஒன்றை போட்டுள்ளார். அதில், ‘எங்கிருந்தாலும் வாழ்க!’ என்ற கேப்ஷனுடன் ரித்திகா தொடரில் இருந்து விலகியதை உறுதி செய்துள்ளார் கோபி.