தமிழ் திரை உலகமே கொண்டாடும் ஒரு நடிகர் சூப்பர் ஸ்டார் ரஜினிகாந்த். இவர் சினிமாவில் நடிக்க தொடங்கிய ஆரம்பத்தில் இருந்து இன்று வரை ஹீரோவாக நடித்து கோடான கோடி ரசிகர்களை தன் வசப்படுத்தியவர். இப்போது ரஜினிக்கு வயதாகி இருந்தாலும் இன்றும் அவர் ஹீரோவாக திரைப்படங்களில் நடித்து வருகிறார்.
அண்மையில் ரஜினி நடித்த அண்ணாத்த, தர்பார் படங்கள் ரசிகர்கள் மத்தியில் நல்ல வரவேற்பை பெற்று மற்ற நடிகர்களை காட்டிலும் அதிக வசூலை அள்ளி வருகிறது என்பது குறிப்பிடத்தக்கது. மேலும் இவர் பல இளம் இயக்குனர்களுக்கும் வாய்ப்பு கொடுத்து வருகிறார் என்பது உண்மை.
சூப்பர் ஸ்டார் ரஜினிகாந்த் தற்போது ஜெயிலர் என்னும் திரைப்படத்தில் நடித்து வருகிறார் இந்த படத்தை கோலமாவு கோகிலா, பீஸ்ட், டாக்டர் போன்ற ஹிட் படங்களை கொடுத்த இளம் இயக்குனர் நெல்சன் திலிப் குமார் இயக்கி வருகிறார். இந்த படத்தின் இறுதிக்கட்ட் சூட்டிங் தற்போது நடைபெற்று வருகின்றன இப்படி இருக்கின்ற நிலையில் நடிகர் ரஜினிகாந்த் இதுவரை எந்த ஒரு விளம்பர படங்களிலும் நடித்ததில்லை என தான் நாம் கேள்விப்பட்டு வந்தோம்..
ஆனால் ரஜினி 1980 -ல் ஒரு விளம்பர படத்தில் நடித்திருக்கிறார். 1980களில் மிகவும் பேமஸ் ஆக இருந்த ஒரு குளிர்பான கம்பெனியின் விளம்பரத்தில் ரஜினிகாந்த் நடித்திருக்கிறார் அவருடன் சேர்ந்து ஒரு நடிகையும் அந்த விளம்பரத்தில் நடித்திருக்கிறார். இந்த குளிர் பானத்தின் பெயர் “palm cola” இது தமிழ்நாடு அரசு விநியோகம் செய்தது.
இந்த விளம்பரத்தில் ரஜினிகாந்த் படப்பிடிப்பு இடைவேளையில் இந்த குளிர்பானத்தை குடிப்பது போன்று உருவாக்கப்பட்டு இருக்கிறது. ரொம்ப ஸ்டைலாக அந்த குளிர்பானத்தின் மூடியை திறந்து அதை ரஜினி குடிப்பது போன்று அந்த விளம்பரம் அமைந்திருக்கிறது. மேலும் ரஜினிகாந்த் இந்த ஒரே ஒரு விளம்பரத்தில் மட்டும் தான் நடித்திருக்கிறார் எனவும் சொல்லப்பட்டு வருகிறது.