தமிழ் சினிமாவில் முன்னணி நடிகர்களில் ஒருவராக வலம் வந்து கொண்டிருப்பவர் தல அஜித். இவர் தற்பொழுது வலிமை திரைப்படத்தில் நடித்து வருகிறார். இதனைத் தொடர்ந்து தனது 61வது திரைப்படத்திலும் தன் கவனத்தை செலுத்த ஆரம்பித்துள்ளார். அந்த வகையில் நேர்கொண்ட பார்வை, வலிமை உள்ளிட்ட திரைப்படங்களை இயக்கிய எச் வினோத் அஜித்தின் 61வது திரைப்படத்தை இயக்க உள்ளார்.
இந்நிலையில் தல அஜித் நடிப்பில் இறுதியாக நேர்கொண்டபார்வை வெளியாகி இதுவரையிலும் ஒரு வருடத்திற்கு மேலாகியும் தற்பொழுது வரையிலும் எந்த திரைப்படமும் அஜித் நடிப்பில் வராததால் ரசிகர்கள் பெரும் சோகத்தில் இருந்து வருகிறார்கள். அந்த வகையில் வலிமை திரைப்படம் பல மாதங்களாக 90 சதவீத படப்பிடிப்பு முடிந்து விட்டதாகவும் விரைவில் வெளிவரும் என்று மட்டுமே கூறி வருகிறார்கள்.
எனவே இந்நிலையில் ரசிகர்கள் தொடர்ந்து போகுமிடமெல்லாம் வலிமை அப்டேட் கொடுங்கள் என்று கூறி வர ஆரம்பித்தார்கள்.அந்த வகையில் திரைப்படத்தில் முக்கிய கதாபாத்திரத்தில் ஹீமா குரோஷி நடிக்கிறார் என்ற தகவல் வெளிவந்தது. அதன்பிறகு இத்திரைப்படத்தின் தயாரிப்பாளரான போனி கபூர் மற்றும் அஜித் இவர்கள் ரசிகர்களிடம் கொஞ்சம் பொறுமையாக இருக்குமாறு கேட்டுக் கொண்டார்கள்.
எனவே ரசிகர்கள் எந்த ஆர்ப்பாட்டமும் செய்யாமல் மிகவும் அமைதியாக இருந்து வருகிறார்கள்.இப்படிப்பட்ட நிலையில் தல அஜித் பிறந்த நாளை முன்னிட்டு மே 1ஆம் தேதி வரை இப்படத்தின் ஃபர்ஸ்ட் லுக் போஸ்டர் வெளியாகும் என்று கூறி இருந்தார்கள்.ஆனால் மிகவும் எதிர்பார்ப்புடன் இருந்த ரசிகர்களுக்கு பெரும் ஏமாற்றம் தரும் வகையில் மீண்டும் மே ஒன்றாம் தேதி வெளிவராது என்று அதிகாரப்பூர்வமாக கூறிவிட்டார்கள்.
பொதுவாக திரைப்படங்கள் ரிலீஸ் ஆகும் தேதியை வேண்டினால் பலர் மாற்றுவார்கள் ஆனால் ஃபர்ஸ்ட் லுக் போஸ்டர் வெளியாகுவதற்கு இரண்டு தடவை மாற்றியது வலிமை படக்குழுவினர் தான் என்று பல கோலிவுட் வட்டாரங்கள் கூறி வருகிறார்கள்.
இருந்தாலும் ரசிகர்கள் எப்பொழுது வலிமை திரைப்படம் வந்தாலும் கொண்டாடலாம் என்ற எண்ணத்தில் தான் இருந்து வருகிறார்கள். இப்படிப்பட்ட நிலையில் அஜீத் மற்றும் ரஜினி இவர்களின் திரைப்படம் மீண்டும் போட்டி போடுவதற்கு அதிக வாய்ப்புள்ளதாக தகவல்கள் வெளிவந்துள்ளது.
அதாவது 2019 ஆம் ஆண்டு பொங்கலை முன்னிட்டு ரஜினி நடிப்பில் பேட்ட திரைப்படமும் அஜித் நடிப்பில் விஸ்வாசம் திரைப்படம் வெளியாகி வசூல் ரீதியாகவும், விமர்சன ரீதியாகவும் நல்ல வரவேற்ப்பை பெற்றிருந்தது. அந்தவகையில் விஸ்வாசம் திரைப்படம் தமிழகத்தில் மாபெரும் வெற்றியை பெற்றிருந்தது. ரஜினியின் பேட்டை திரைப்படம் உலக அளவில் மாபெரும் வெற்றியை பெற்றது.
இந்நிலையில் தற்பொழுது ரஜினி நடித்து வரும் அண்ணாதுரை திரைப்படம் தீபாவளியை முன்னிட்டு ரிலீசாகும் என்று படக்குழுவினர் அதிகாரபூர்வமாக கூறியுள்ளார்கள். இதனை தொடர்ந்து தீபாவளியை முன்னிட்டு தல அஜித்தின் வலிமை திரைப்படமும் ரிலீசாக அதிக வாய்ப்பு உள்ளதாக கூறி உள்ளார்கள்.