தமிழ் சினிமாவில் முன்னணி நடிகர்களில் ஒருவராக வளம் வந்து கொண்டிருப்பவர் நடிகர் ரஜினி. இவர் தற்போது நெல்சன் திலீப்குமார் இயக்கத்தில் ஜெயிலர் திரைப்படத்தில் நடித்து வருகிறார். இந்த படம் சென்னையில் ஒரு பிரம்மாண்ட செட் அமைக்கப்பட்டு காட்சிகள் உருவாகப்பட்டு வருகிறது.
மேலும் ஜெயிலர் படத்திலிருந்து ரஜினிகாந்த் ஒரு கெட்டப்பில் நடந்து வருவது போன்ற ஒரு காட்சி இணையத்தில் வெளியாகி வைரல் ஆனது. அதனை தொடர்ந்து மணிரத்தினம் இயக்கத்தில் பொன்னியின் செல்வன் திரைப்படத்தில் நடிகர் ரஜினிகாந்த் நடிக்க ஒற்றை காலில் நின்றதாக தகவல் வெளியானது.
அதன் பிறகு தற்போது ரஜினிகாந்த் பொன்னியின் செல்வன் திரைப்படத்தில் நடிக்க முடியாமல் போனதற்கு என்ன காரணம் என பல கேள்விகள் எழும்பிய நிலையில் தற்போது அதற்கு பதில் வெளியாகியுள்ளது.
அதாவது கல்கியின் நாவலை தழுவி உருவாக்கப்பட்ட பொன்னியின் செல்வன் திரைப்படம் இயக்குனர் மணிரத்தினம் அவர்களுக்கு இயக்கியுள்ளார் என்பது நாம் அனைவரும் தெரிந்த ஒன்று. இந்த படத்தில் கார்த்தி, ஐஸ்வர்யா ராய், விக்ரம், ஜெயம் ரவி, ஐஸ்வர்யா லட்சுமி, சரத்குமார், பார்த்திபன், உள்ளிட்ட பலர் நடித்து உள்ளனர்.
இந்த படம் செப்டம்பர் 30ம் தேதி திரையரங்கில் வெளியாகி மிகப்பெரிய அளவில் வெற்றி கொண்டு வருகிறது. வெளியான முதல் நாளில் மட்டும் பொன்னியின் செல்வன் திரைப்படம் 80 கோடிக்கும் மேல் வசூல் செய்துள்ளதாக தகவல் வெளியாகி உள்ளது. தற்போது மூன்று நாள் முடிவில் 230 கோடி வசூல் ஆகி உள்ளதாக தகவல் வெளியாகியுள்ளது.
இந்நிலையில் பொன்னியின் செல்வன் திரைப்படத்தில் ரஜினிகாந்த் நடிக்காதது ஏன் கேள்வி எழுந்த நிலையில் தற்போது மணிரத்தினம் அவர்கள் அதற்கு பதில் கூறியுள்ளார். அவர் கூறியதாவது பொன்னியின் செல்வன் படத்தில் நடிக்க வேண்டும் என ரஜினிகாந்த் அன்புடன் கேட்டு இருந்தார். ஆனால் இந்த கதை நிறைய கதாபாத்திரங்களை கொண்டு உருவாக்கியதாலும், அனைவரது மத்தியில் ஒரு மிகப்பெரிய சூப்பர் ஸ்டாரை கொண்டு வருவது சரியாக இருக்காது என்பதால் தான் வேண்டாம் என மறுத்து விட்டேன் என்று கூறியுள்ளார். இந்த படத்தில் ரஜினிகாந்த் நடித்திருந்தால் படம் எப்படி இருக்கும் என்று நீங்களே சொல்லுங்கள்.