அண்ணாத்த படத்தின் வெற்றியை தொடர்ந்து சூப்பர் ஸ்டார் ரஜினிகாந்த் இளம் இயக்குனர் நெல்சன் உடன் கூட்டணி அமைத்து நடித்து வரும் திரைப்படம் ஜெயிலர். இந்தப் படம் முழுக்க முழுக்க ஜெயில் சம்பந்தப்பட்ட ஒரு படமாக உருவாகி வருவதால் இந்த படத்தில் ஆக்சன் காட்சிக்கு பஞ்சம் இருக்காது என தெரிய வருகிறது.
படத்தின் முதல் கட்ட ஷூட்டிங் சென்னை மற்றும் பல்வேறு இடங்களில் எடுக்கப்பட்டு வந்த நிலையில் தற்போது இறுதி கட்டப்பட பிடிப்பு போய்க்கொண்டிருக்கிறது படத்தில் ரஜினி உடன் கைகோர்த்து கன்னட டாப் ஹீரோ சிவ ராஜ்குமார், மலையாள சூப்பர் ஸ்டார் மோகன்லால், ஹிந்தி டாப் நடிகர் ஜாக்கி ஷெராப்..
தெலுங்கு நடிகர் சுனில், யோகி பாபு, தமன்னா, வசந்த் ரவி, விநாயகன், ரம்யா கிருஷ்ணன் மற்றும் பல முன்னணி நடிகர் நடிகைகள் இந்த படத்தில் நடித்து வருகின்றனர். அனிருத் இந்த படத்திற்கு இசையமைத்து வருகிறார் சன் பிக்சர்ஸ் நிறுவனம் மிகப் பிரமாண்ட பொருள் செலவில் படத்தை எடுத்து வருகிறது.
ஜெயிலர் படத்தின் இறுதி கட்ட ஷுட்டிங் போய்க்கொண்டிருக்கிறது வருகின்ற ஏப்ரல் மாதத்தில் படத்தின் முழு சூட்டிங் நிறைவடையும் என தெரிய வருகிறது. இப்படி இருக்கின்ற நிலையில் ஜெயிலர் படம் குறித்து பல்வேறு தகவல்கள் வெளியாகியுள்ளது அதாவது ஏப்ரல் 11 ஆம் தேதி படத்தின் டீசர் ரிலீஸ் செய்ய பட குழு திட்டமிட்டு இருக்கிறதாம்.
மேலும் படம் தீபாவளிக்கு ரிலீஸ் ஆகும் என படக்குழு ஏற்கனவே அறிவித்த நிலையில் தற்போது அதில் மாற்றத்தை உண்டாக்கியுள்ளது அதன்படி வருகின்ற ஆகஸ்ட் 15ஆம் தேதி சுதந்திர தினத்தை முன்னிட்டு ஜெயிலர் படம் மிக பிரம்மாண்டமாக ரிலிஸ் செய்யப் படக்குழு திட்டமிட்டு இருப்பதாகவும் கூறப்படுகிறது. இதற்கான அதிகாரப்பூர்வ அறிவிப்பு விரைவில் வரும் என கூறப்படுகிறது.